Ha Noi 越南菜

營業中

休息中

早前同朋友嚟食過, 覺得牛腩唔錯, 今日外賣返屋企加餸越式咖喱牛腩飯蕃茄順化牛腩飯牛腩 肥瘦適中, 肉質軟淋, 筋膜都淋曬, 唔會韌, 而且份量足！咖喱 唔係好辣果種程度, 辣味較易入口，質感香滑濃稠, 係越食越開胃, 用來送飯一流, 薯仔唔會炆到爛溶溶, 係炆得軟淋得嚟, 內裡軟綿, 索晒咖喱汁, 係絕配！而蕃茄底 係好 rich, 味道層次豐富, 甜甜酸酸令胃口大增！用來送飯都一流！裏面仲有紅蘿蔔同洋蔥, 食落滋味又健康！(加配) 越式炸春卷 賣相唔錯, 食落口唔會油膩, 裏面餡料好多, 紅蘿蔔絲, 木耳絲, 粉絲, 豬肉碎 等, 下次可以叫一碟熱奶茶 嘅茶味都幾濃熱西洋菜蜜 唔會水汪汪, 有西洋菜蜜味座位幾寬敞地方企理清潔燈光明亮職員工作效率高地點方便, 尖沙咀 exit H 出咗之後, 過對面馬路就係啦!

晚飯同朋友去左重慶大廈隔離嘅 慶方食晚飯，地庫開左好多食店，好光猛。我地去左食越南野 Ha Noi越南菜，星期五6點時間好多客人，餐廳食物選擇都幾多。我地叫左 河內特色綜合河粉，有生牛肉，牛腩片，扎肉，雞絲，香葉卷份量二人份左右，好足料。湯底淡香，配上青檸，辣椒，再自行調配。生牛肉 浸湯一陣啱啱好，肉質唔錯，食落唔覺羶牛腩片 口感爽口扎肉 帶微微胡椒味，食落清香，都幾爽口雞絲 唔會乾身，雞絲配河粉啖啖嫰滑雞肉香葉卷，肉饀食落調味剛好，肉碎但保留到肉汁同咬口，味道唔錯。河粉爽口，而且湯夠多，食落唔覺太漲。另外叫左個河內小食拼盤 同 上湯灼生菜。河內小食拼盤地道越式炸春卷外皮炸得薄脆，饀料嘅肉碎，粉絲，蘿蔔等好夾，食落唔會太膩，味道幾特別。越式香茅雞翼，好香口，雞皮香脆順化炸手打蝦餅，朋友好推薦，外面酥脆，裏面係彈牙蝦餅，食落好有口感，配埋醬料更好食。安南鮮蝦米紙卷，超大件，米紙煙韌，配上酸蘿蔔，青瓜，蝦同粉絲，食落有層次，配搭清新。整體食物質素唔錯，餐廳坐得都舒服，地點都好方便

還記得重慶大廈地庫以前是一間大型波鞋鋪，現已重新裝修變身食坊，聚集各類食店。內地客認識的大概是蘭芳園，正正旁邊就是一間越南餐廳，價錢平，我們決定試過究竟。童年最愛的越南牛油雞翼買少見少，牛油雞翼包裹濃濃的牛油香，外皮香脆，雞肉飽滿多汁。最特別是雞翼超級巨型，所以一份四隻真的不小。越式牛肉炒金邊粉有點像是港式乾炒牛河，但油量少一點，牛肉就換為肥牛片，有鑊氣又有豉油香。金邊粉比河粉更柔軟，整體炒得恰到好處，口感彈牙，是一口接一口的美味。燒豬頸肉有幾個重點，要有肉汁，要有焦香，要有適量油份，這碟合格。另外一提如果跟飯麵餐的小食豬頸肉，份量只有數片，想大吃特吃的一定要叫全份小食。牛油果沙冰有意想不到的清爽感，雖然知道牛油果卡路里高 但同時是superfood可以幫助排毒。清涼沙冰用的牛油果夠熟，不怕有青草味。加入左少糖為整個飲品加分。沙嗲牛肉串燒份量又是很足，是厚厚的肉粒。面層有香茅醃料，配上鹹香的醬料，跟泰式串燒是另一份感覺。

總結：主食湯粉品質中上水準，湯底清甜，食材幾新鮮，但份量一般，飲品略為失望，個位算幾好坐，服務正常。 叫左嘅食物同飲品有：1. 生熟牛肉湯河 ($70)：其實我叫左金邊粉，但係佢比左河粉我。味道請參考上述總結。2. 龍眼冰 ($12)：比較失望，味道偏淡，啲龍眼粒又無咩味。 價錢：HK $82; 無加一; 人均$82（$82 一位） 評分：6.5/10 詳細評分解釋：綜合各方面嘅因素, 包括食物同飲品（味道同賣相），環境（氣氛，空間同衛生），服務，性價比1‐5分：不推薦 5‐6.9分：普通，低機會回訪7‐8分： 都可以，會考慮回訪 8.1‐9分：相當不錯，大機會回訪 9.1‐10：各方面都好好，一定會回訪

📍地址：尖沙咀彌敦道36-44號重慶大廈地庫S21號舖 今次同朋友去咗重慶大廈地庫嘅「Ha Noi 越南菜」，呢間鋪頭雖然隱藏喺地庫，但人氣爆棚，晚市仲要等位！餐廳環境光猛，座位闊落，職員手腳快，好適合趕時間又想食好嘢嘅人順化蕃茄海鮮湯飯湯底超濃郁一打開超香海鮮味！第一次叫蕃茄湯可以鮮到咁蕃茄味酸甜開胃，海鮮份量足，有蝦、魷魚同大量蜆肉全部都好新鮮，蝦肉彈牙，魷魚係用鮮魷非常爽口撈埋啲飯食停唔到口🤭最欣賞湯飯仲加咗少少芫荽同洋蔥，層次感即刻出曬嚟！！！海防牛肉炒飯鑊氣十足！牛肉片嫩滑唔韌，仲有啲蔬菜粒同蛋絲，炒得非常乾身唔油膩😋招牌越式三文治個包係即叫即焗，外皮脆到「索索」🤣入面夾住扎肉、醃蘿蔔、香菜同辣椒，口感豐富到爆！扎肉彈牙，加埋酸蘿蔔嘅清爽，個包仲加埋沙律醬同肝醬🤤完全唔會膩朋友話「成個潛艇咁大」，食半個已經好滿足 安南鮮蝦米紙卷米紙煙韌得嚟唔會癡牙，入面包住大大隻鮮蝦、青瓜同蘿蔔絲，加埋九層塔嘅香氣🤩配埋魚露甜酸汁，清新又開胃蝦肉新鮮爽甜，成個配搭好適合夏天食🤤🤤順化蕃茄湯同越式三文治真係必試！🌟🌟🌟下次會再嚟encore佢哋嘅牛油雞翼同咖喱牛腩。

多數來重慶大廈都是食咖喱, 而家地庫多咗好多嘢食, 今次見這個越南菜的評價也不錯, 就來試一試, 味道都算唔錯, 推薦 食物 : 二人餐 $198 - 叫咗 : 生牛肉湯河/ 扎肉湯河/ 安南鮮蝦紙米卷/ 田園灼時蔬/ 蜂蜜柚子梳打/ 蜜糖柑桔冰, 湯底味道濃, 飲咗唔會口渴, 牛片有牛味, 河粉好滑, 整體味道好好, 米紙卷有四嚿, 大大嚿幾好食, 時蔬都有一大碟, 飲品味道正常 環境 : 餐廳環境OK, 坐得舒服 服務 : 店員有禮貌 費用 : $198 (無服務費)

位於尖沙咀中心商場地庫的Ha Noi越南菜，之前黎過食lunch, 環境乾淨明亮，坐落都舒適，餐廳的菜單選擇多，價格也很親民，以尖沙咀地段黎講幾合理。🍜河內特色綜合河粉，超級適合貪心的我。湯底清新不膩，帶有牛骨的味道，生牛肉片在熱湯中輕輕變色，肉質嫩滑，牛腩片則軟爛入味，非常好吃。札肉的鹹香和雞絲的細膩相結合，香葉卷則帶來了清新的口感。河粉滑順，吸附了湯汁，整體味道很不錯。🔥另外追加了越色炸春卷，外皮酥脆，內餡包含了肉和蔬菜，內陷口感豐富🫖杞子龍眼茶清新可口，幫助解膩，料也蠻多Ha Noi越南菜適合與朋友聚餐或單獨用餐，平時放lunch放工都會過嚟食個快飯

今日去到呢間位於重慶大廈附近嘅河內，雖然地點有啲難搵，但係亦都唔會阻止到佢非常多人！Menu選擇非常之多，除咗湯麵之外，仲有越南發包同埋範圍等等✅✅✅番茄蟹肉扎肉湯檬粉 🍜🍅番茄蟹肉扎肉湯檬粉色澤鮮艷，湯底濃郁，番茄的酸甜味正！湯粉吸收了濃郁的湯汁，每一口都充滿海鮮的鮮味，非常開胃！順化牛展豬手湯檬 🐄🐖這道順化牛展豬手湯檬真係好有特色！牛展的肉質軟嫩，豬手則帶有彈性，而且可以點下辣椒醬，更加惹味！湯底香濃。檬粉滑順，吸附了湯汁的精華，整體味道層次豐富😋越式炸蝦餅 🍤✨越式炸蝦餅外脆內嫩，蝦肉鮮甜，每一口都有滿滿的海鮮味！搭配特製醬汁，口感非常棒，無論作為小吃還是主菜都非常合適😄上湯灼田園菜 🥬🍲上湯灼田園菜清新可口，蔬菜新鮮脆嫩，湯底清淡但味道十足，讓人感受到健康的滋味。🌱酸辣無骨鳳爪 🐔🔥酸辣無骨鳳爪絕對是開胃的好選擇！酸辣的醬汁搭配嫩滑的鳳爪，口感獨特，讓人一口接一口，回味無窮。這道小吃特別適合喜愛刺激口味的朋友，簡直是完美的下酒菜！🍻

喺尖沙咀搵緊嘢食嘅時候見到喺正重慶大廈隔離原來有一個望落好新嘅商場，入面都有好多唔同嘅餐廳，咁啱有平時都好鍾意食嘅越南菜！冇諗過呢間咁隱蔽嘅餐廳入面都坐滿晒人！一坐低店員就好好客即刻serve茶，枱面上仲有好多調味料，每人仲有一杯辣椒同青檸添！越式火車頭 ($130)呢款火車頭係二人份量，啱晒同朋友仔撐枱腳！火車頭湯底好清甜，入面有齊曬生牛肉、牛丸、扎肉同埋牛𦟌！份量都唔少！越式特色拼盤 ($140)鍾意食雞翼嘅我梗係要嗌返個香茅雞翼啦🤩不過朋友仔鍾意食蝦餅，於是就嗌返個特色拼盤試吓😤拼盤入邊有齊晒香茅雞翼、蝦餅、米紙卷、扎肉、蔬菜餅五款小食，雞翼、米紙卷同扎肉味道正常，不過不失，反而個蝦餅同蔬菜餅好有驚喜！炸得好鬆脆，入邊都好足料！👻椰汁冰 (+$12)嚟得越式餐廳當然要試吓啲特色飲品！今次就嗌咗個椰汁冰飲吓！啲珍多同個椰汁底好夾，好有層次！

今晚收工過嚟呢個商場配Cons順便留係到食埋Dinner呢個商場係basement，人流唔算好旺我地揀左呢間越南菜試🥢🍽叫左越南牛河煎雞扒飯，大部分價錢都幾平下 就加多碟菜，同一份香茅豬扒做小食個牛河都幾多塊牛肉，又好味碟雞又唔鞋口，豬扒煎得都冧唔dry全部野食味道都正常好味，足料又大碟重點唔貴，性價幾高下我地一坐底主動比杯水飲係香港會主動比杯水既餐廳，Cafe已經唔多大部分收加一，都預客人消費買野飲，唔會比水所以我特別鍾意呢D服務好既小店佢地仲有賣勁大大大碗既越南湯粉係share食下次如果再經過會再嚟試下

尖沙咀抵食越南菜重興大廈地庫開咗好多新餐廳今次試下依間坐位夠多都好舒適而且價錢都幾抵食職員仲好熱情好客﹗河內生牛肉河粉湯底夠熱夠清甜望住粉嫩嘅生牛肉慢慢浸成熟成嘅顏色大大塊牛肉好食又夠滑仲可以自行加辣椒同埋青檸調味湯本身已經夠好味加埋辣椒有小小辣將湯嘅味道更昇華河粉份量好足料海防牛肉炒飯食落好夠鑊氣飯粒粒粒分明又飽滿好有咬口牛肉都炒到勁香口越式豬頸肉煎到香脆仲有炸蒜係面做調味口感加乘仲要雙倍脆口越南滴漏咖啡越南特色飲品﹗當然要試下玻璃杯上架著越式滴漏壺，把咖啡粉放入裡面滴漏倒入少量的水讓咖啡粉全部浸濕等待咖啡一滴一滴落入杯裡面店好好咁將咖啡就滿嘅時候先呈上一打開漏壺有陣超濃厚嘅香味仲有配煉奶令口感更加絲滑椰青好清甜多汁有好多椰肉好易盛起

岩岩去完越南冇耐 已經掛住越南野食以前唔知尖沙咀重慶大廈地庫有咁多餐廳選擇113. 越式豬扒包 $56包外脆 內層查左牛油夾住帶微酸味既白紅蘿蔔絲醃菜 青瓜 豬扒但冇芫荽/ 辣椒/ 豬肝醬同係越南食心心念念既法包口味唔太一樣306. 河內雞絲湯河粉 $62頂部舖滿嫰滑雞絲肉點餐既時候可以走芽菜用左短身細豆芽菜湯河粉好大碗 河粉份量多越南河粉口感滑溜 一啖接一啖505. 上湯灼田園菜 $22原個大生菜 健康腸必點623. 濱海伴豬肉卷 $766條長形豬肉卷6件濱海少量蔥碎同炸蒜粒鋪左一餅米粉上面本身濱海冇咩味加埋餐枱上既魚露醬料 味道隨即昇華伴碟有生菜 切條蘿蔔絲221. 牛油果沙冰 $38頂層加左切粒牛油果杰撻撻 奶比例較重食物份量多 性價比高掛住越南美食 可以黎呢到思鄉

尖沙咀平靚正越南餐廳先叫越式蝦餅蛋飯，香脆的蝦餅搭配滑嫩的蛋，味道層次豐富，無論是口感還是風味都讓人難以忘懷。每一口都能感受到新鮮蝦肉的鮮甜，讓人一試成主顧。越式豬頸肉蛋飯同樣出色，豬頸肉煮得恰到好處，肉質嫩滑，讓人食指大動。酥香軟殼蟹更是讓我印象深刻，外酥內嫩的蟹肉，搭配特製的醬汁，口感極佳，滿足感十足。越式炸春卷外皮金黃酥脆，內餡豐富，搭配新鮮的香菜和生菜，讓人每一口都充滿驚喜。安南鮮蝦米紙卷清新可口，米紙包裹著新鮮的蝦和各種蔬菜，口感清爽。上湯灼田園蔬則是完美的搭配，清淡而不失風味，平衡了整體的用餐體驗。最後，鮮芒果西米露和椰十珍多冰作飲品，清涼解膩，每一道菜都讓人印象深刻，這裡的越南料理絕對值得一試。

最近好鍾意食越南食物，今日收工要自己解決晚飯就走過咗嚟重慶大廈地庫買外賣。尖沙咀地區有好幾間越南餐廳都好出色，但呢間座位比較闊落好坐👍🏻河內招牌豬扒飯必試☺️個賣相同份量完全冇失望豬扒炸到啱啱好仲好大塊好嫩，好好食夾埋青蔥食飯好香加左半份蝦餅過下口隱又係炸得好靚，望落去好吸引🤩入面嘅蝦滑好full好有口感返到屋企暖暖哋加埋酸甜醬好夾我最期待嘅越式炸春卷食親越南菜都必食好鍾意咁足料嘅春卷好多料好full木耳好爽口加上炸到剛剛好食落好脆唔油😆😆😆今次外賣全部都有跟埋醬汁🤘🏻外賣pack得好整齊👍🏻下次都想試下堂食試下其他食物☺️

係重慶大廈隔離嘅地庫原來有超多餐廳 行到最盡頭就會見到呢間又平又多選擇嘅越南菜😍😍😍軟殼蟹米紙卷軟殼蟹炸得好香脆 配埋超多新鮮嘅蔬菜 口感非常豐富👍🏽👍🏽雞肉串燒每次食越南嘢都覺得一定要食沙嗲串燒 呢個好夠味 幾好食 👍🏽蒜茸炒田園蔬呢個超啱我呢d重口味嘅人 蒜蓉味超香 好多汁 好食呀呢個👍🏽👍🏽青檸冰本身我以為係沙冰 嚟到先知原來唔係😂 不過都好清爽👍🏽 但我覺得有少少甜熱情果梳打個日好熱 呢杯梳打超級解渴 熱情果份量都好多🥰🥰 梳打份量夠refill 2次👍🏽👍🏽呢間越南嘢雖然位於尖沙咀中心 但價錢一d都唔貴 坐得都舒服 性價比幾高👍🏽👍🏽👍🏽