越火越式湯粉

營業中

休息中

呢間新開嘅越南小店裝修簡潔，座位乾淨企理，環境幾舒服。試咗兩款招牌菜，水準都算唔錯。 招牌超滿足湯粉($90)份量幾足，有齊香茅雞扒、豬扒、雞翼同扎肉。雞扒煎得幾香，豬扒唔會太韌，湯底清甜，河粉口感適中，整體算係幾穩陣嘅選擇。 「四重享套餐」($128)比較適合想試多啲嘢嘅人。有一碗主食湯河，雞絲湯河味道清淡，兩個小食分別叫咗米紙卷同蠔油菜心，仲可以嗌一個特色青檸梳打，。雖然每樣份量唔算多，但勝在款式夠多樣。 整體嚟講，食物質素對得住價錢，冇乜花巧但算係實惠。如果想靜靜地食碗越南粉，呢度都係個唔錯嘅選擇。