影片
更多
2023-04-18
378 瀏覽
未有假去旅行住，咁就食返餐好嘅慰勞下自己啦！「壽喜燒 伊勢熊」由日籍主廚久家弘一主理，嚴選日本優質和牛融合關東風嘅燉煮與關西風嘅糖烤，創造出獨有風味嘅壽喜燒😋🍲• 伊勢熊和牛壽喜燒五道菜午市套餐 $480• 伊勢熊北海道四元豚壽喜燒五道菜午市套餐 $380一客午市套餐已經包括咗前菜、茶碗蒸、白飯、漬物同甜品。尤其茶碗蒸別具心思，嫩滑嘅蒸蛋內藏鹹鮮嘅明太子🙆🏻♀️坐吧枱可以近距離咁觀賞大廚烹飪料理嘅過程，視覺、嗅覺、味覺同時滿足！肉類同蔬菜會以梅花間竹嘅方式呈上，咁樣就算食完成餐都唔會覺得好滯。本餐重點當然係和牛壽喜燒啦，餐廳選用咗香川橄欖和牛及京都姬牛，前者以橄欖作為飼料孕育而成，咬落去口感好軟嫩又多汁，唔洗點咀嚼已經融化喺口腔入面，肉味亦較一般和牛濃郁得多！而後者則為優質雌性黑毛和牛，擁有細緻嘅大理石紋，成就極嫩滑嘅肉質✨除咗和牛之外，亦都有北海道四元豚同德島縣阿波酢橘雞俾食客選擇嘅。北海道四元豚係由日本四個最佳豬種混種育成，餐廳就採用咗豬腩片同肩胛肉兩個部位，腩肉片嘅脂肪肥美香口，唔會有豬臊味，而肩胛肉就大大塊有咬口，啖啖肉感都幾滿足㗎！另外配上四款精選蘸料包括沖繩島椒絲、柚子、芥
「壽喜燒 伊勢熊」由日籍主廚久家弘一主理，嚴選日本優質和牛融合關東風嘅燉煮與關西風嘅糖烤，創造出獨有風味嘅壽喜燒😋🍲
• 伊勢熊和牛壽喜燒五道菜午市套餐 $480
• 伊勢熊北海道四元豚壽喜燒五道菜午市套餐 $380
一客午市套餐已經包括咗前菜、茶碗蒸、白飯、漬物同甜品。尤其茶碗蒸別具心思，嫩滑嘅蒸蛋內藏鹹鮮嘅明太子🙆🏻♀️
坐吧枱可以近距離咁觀賞大廚烹飪料理嘅過程，視覺、嗅覺、味覺同時滿足！肉類同蔬菜會以梅花間竹嘅方式呈上，咁樣就算食完成餐都唔會覺得好滯。本餐重點當然係和牛壽喜燒啦，餐廳選用咗香川橄欖和牛及京都姬牛，前者以橄欖作為飼料孕育而成，咬落去口感好軟嫩又多汁，唔洗點咀嚼已經融化喺口腔入面，肉味亦較一般和牛濃郁得多！而後者則為優質雌性黑毛和牛，擁有細緻嘅大理石紋，成就極嫩滑嘅肉質✨
除咗和牛之外，亦都有北海道四元豚同德島縣阿波酢橘雞俾食客選擇嘅。北海道四元豚係由日本四個最佳豬種混種育成，餐廳就採用咗豬腩片同肩胛肉兩個部位，腩肉片嘅脂肪肥美香口，唔會有豬臊味，而肩胛肉就大大塊有咬口，啖啖肉感都幾滿足㗎！另外配上四款精選蘸料包括沖繩島椒絲、柚子、芥末及意大利松露醬，可以自行配搭出喜愛嘅口味，亦都可以用紫菜包住嚟食！至於甜品就係清爽嘅柚子雪芭，一解油膩嘅感覺😚
張貼
