Poking

今日同朋友行下上環，突然發現度一間新開嘅夏威夷魚生飯，我同朋友見到之後都心郁郁，就入咗去試下。我留意到呢間餐廳都幾貼心，除咗會有個set 係俾啲素食嘅朋友食，亦都有全部熟食嘅set俾啲唔食生野嘅朋友揀。套餐Poke Bowl：(三文魚, 雞蛋絲, 牛油果, 飛魚子, 青瓜, 豆腐, 芝麻碎, 脆炸蒜粒, 木魚絲, 配芥辣沙律醬)朋友就揀咗一個最基本嘅Set，包咗一款主食、五款配料。主食嘅量都好多，而且又大舊，仲要十分新鮮，特別係三文魚嘅味道都十分鮮甜，配埋糙米飯，食落去都好有口感，加埋佢地自家製勁有芥末味嘅芥辣沙律醬，好有刺激嘅感覺。自選Poke Bowl：(壽司飯, 三文魚, 雞蛋絲, 甜粟米,牛油果,芥辣沙律醬, 紫菜絲)我就揀咗個自選set，呢度嘅自選都幾好，可以揀嘅要求都算多，例如可以要求自家醬汁分開上，或者要求主食/飯量加量等等。整體而言，可以好個人化咁整自己想要嘅餐，對我嚟講都十分之吸引。