Poking

今日做完gym又係想食清淡d，見到呢間新開poke小店。用QR code落單， 佢列得好清楚有d咩配料，而都好細心，少飯或者多汁少汁另上果d都可以揀。佢同平時d poke店最大嘅分別係佢選擇比較多，可以揀三文魚吞拿魚，仲有雞扒，雞胸果d😊😊 最後都係比佢signature 嘅 “creamy baby”嘅賣相吸引到😂😂😂 平時poke店叫牛油果要另加幾十蚊的😂 "Creamy Baby"，裡面有三文魚、半隻牛油果、豆腐、青瓜、雞蛋絲、蟹籽同wasabi yoghurt汁，我叫左半糙米飯半菜，好滿足。首先，呢道菜好靚啊，擺盤係有心思。個人認為牛油果同三文魚就係絕配☺️☺️ 顏色好鮮豔，睇落就好有食慾。菜式上嘅雞蛋絲增添咗啲口感，令呢道菜變得更加豐富。wasabi yoghurt汁撈左落d三文魚度特別fresh，特別中和下三文魚嘅肥美。其他配料豆腐果d就係正常發揮。成碗食完清新得黎好滿足，如果佢可以標埋係幾多卡路里就好了😌😌