龍亭

[ 龍亭 ]最近留意到呢間係中環、佐敦有分店嘅日式鐵板燒餐廳🇯🇵🔥開到去大埔。午市、晚市都有鐵板燒套餐，晚市套餐每人$688起。✿ 入門八道菜廚師發辦套餐 $688套餐有沙律、前菜、鐵板海鮮兩品、鐵板肉類一品、炒飯、湯、甜品。沙律🥗煙三文魚沙律 配黑醋汁、龍珠果、車厘茄夠開胃。前菜海膽白松露溫泉蛋 配食用花點綴。師傅係面前即刨意大利鮮黑松露，混合食口感好順滑，帶松露香味及海膽味。鐵板海鮮兩品🐟兩隻小鮑魚好彈牙，石斑魚外皮脆肉質結實，醬汁係微甜嘅香草汁。鐵板肉類一品🥩牛柳粒 另配紅酒汁、蒜片、日式芥末調味，可自選牛柳熟度。牛柳肉夠厚身，外微焦內裡有肉汁。炒飯🍚海膽三文魚籽炒飯，飯粒帶三文魚籽、甘筍粒嘅爽脆口感。湯🥣鮑魚昆布湯 有原隻小鮑魚、昆布夠足料。甜品🍮朱古力可麗餅 配日本十勝紅豆、吉士醬，口感似糯米糍，味道唔算甜幾好。飲品🍺✿ 麒麟 $88/杯✿ 美人梅酒(200ml) $98/枝酒精飲品有日本清酒、日本啤酒等選擇。總結🫦 餐廳大門隱蔽有私隱度，住大埔街坊想食日式鐵板燒有一個新選擇啦😄。✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿龍亭地址：大埔翠樂街11號美豐花園地下10號