影片
更多
2023-11-22
77 瀏覽
📌 陳儀興玫瑰餐廳 - 新蒲崗爵祿街33A-37A號百勝工廠大廈地舖🗓(22/11) 星期三 ⏰ 晚上6:15左右 💈特式：最近各大群組都係度討論邊間羊腩煲好食，所以我都出動去搵下有咩好食/抵食嘅羊腩煲推介比大家，今日收工同朋友就嚟幫大家試下呢間陳儀興玫瑰餐廳。🥩🍔🌭🌮🥗🥯🥘🍲🍝🍣🥟🍤🍱食物：餐廳除左羊腩煲，平時主力就係做火鍋同小菜，而且價錢都相當抵食，而家等我同大家講下🐐🍲味道先。🐐🍲羊腩煲 $3️⃣9️⃣8️⃣ - 個羊腩煲味道唔錯，個汁濃稠得嚟又唔咸，連個湯汁我都想飲埋，羊肉炆得夠入味同軟淋，就連比較大舊嘅肉都炆得好淋，皮有咬口及有彈性，食得出應該係用新鮮羊，唔係雪藏貨，仲會有少許羊羶味，配料就有冬筍/冬菇/馬蹄/炸支竹等等。另外，每個羊腩煲會包埋一碟生菜，生菜份量都ok。就係因為佢個羊腩煲湯汁咁正，所以就再加左火鍋配料用埋個湯汁嚟打邊爐，唔好浪費左個咁正嘅湯底精華。🦑爽口墨魚卷 $5️⃣7️⃣ - 我好鐘意佢地嘅不規則形狀，好得意。一碟有8件，質地爽口彈牙，偏挺身，入面仲有d細細粒嘅墨魚粒，墨魚味亦好重。🦐彈牙蝦肉卷 $5️⃣7️⃣ - 呢個都係8件，質地就比墨魚卷淋d，但咬落好多蝦肉，好輕鬆鮮甜味
🗓(22/11) 星期三 ⏰ 晚上6:15左右
💈特式：最近各大群組都係度討論邊間羊腩煲好食，所以我都出動去搵下有咩好食/抵食嘅羊腩煲推介比大家，今日收工同朋友就嚟幫大家試下呢間陳儀興玫瑰餐廳。
🥩🍔🌭🌮🥗🥯🥘🍲🍝🍣🥟🍤🍱
食物：餐廳除左羊腩煲，平時主力就係做火鍋同小菜，而且價錢都相當抵食，而家等我同大家講下🐐🍲味道先。
🐐🍲羊腩煲 $3️⃣9️⃣8️⃣ - 個羊腩煲味道唔錯，個汁濃稠得嚟又唔咸，連個湯汁我都想飲埋，羊肉炆得夠入味同軟淋，就連比較大舊嘅肉都炆得好淋，皮有咬口及有彈性，食得出應該係用新鮮羊，唔係雪藏貨，仲會有少許羊羶味，配料就有冬筍/冬菇/馬蹄/炸支竹等等。另外，每個羊腩煲會包埋一碟生菜，生菜份量都ok。
就係因為佢個羊腩煲湯汁咁正，所以就再加左火鍋配料用埋個湯汁嚟打邊爐，唔好浪費左個咁正嘅湯底精華。
枝竹羊腩煲
$398
3 瀏覽
0 讚好
0 留言
枝竹羊腩煲
$398
3 瀏覽
0 讚好
0 留言
🦑爽口墨魚卷 $5️⃣7️⃣ - 我好鐘意佢地嘅不規則形狀，好得意。一碟有8件，質地爽口彈牙，偏挺身，入面仲有d細細粒嘅墨魚粒，墨魚味亦好重。
爽口墨魚卷
$57
3 瀏覽
0 讚好
0 留言
🦐彈牙蝦肉卷 $5️⃣7️⃣ - 呢個都係8件，質地就比墨魚卷淋d，但咬落好多蝦肉，好輕鬆鮮甜味。
彈牙蝦肉卷
$57
4 瀏覽
0 讚好
0 留言
蜂巢凍豆腐 $4️⃣2️⃣ - 既然個羊腩湯咁正，所以一定要叫呢d咁索湯嘅配料先係皇道，呢個蜂巢豆腐窿窿勁多，索湯能力一流，同所有出色嘅火鍋湯底都係絕配。
蜂巢凍豆腐
$42
3 瀏覽
0 讚好
0 留言
☕️🍵🥤🧋🍺🍷🥃🍹🧉🍾🍶🥛
飲品 : 飲品除左酒類之外就有一般茶餐廳經典飲品，仲有幾款特別檸檬飲品，例如檸樂/檸碧/檸芬/鹹檸樂/鹹檸碧/龍鳳檸樂等。另外，仲有幾款比較健康嘅涼茶。
龍鳳檸樂/金銀花茶
3 瀏覽
0 讚好
0 留言
🍽環境：餐廳環境同裝修就同普通茶餐廳差唔多，有唔少4人梳化卡位，仲有大量圓枱，擺枱都闊落，坐位同枱面空間都足夠，地方都算乾淨企理，光猛整潔。
🤵🏻🤵🏻♀️🤵🏻♂️服務：職員服務好好，好有禮貌 ，會同客人傾下計，亦會主動幫客人睇火同調校火力之類，等你個湯底唔會咁快乾水，咁就可以食到個湯底本身嘅原味道。
💰💸價錢：今日叫左個夠3~4人食嘅羊腩煲，3款火鍋配料，仲有飲品，埋單都係大約$6️⃣0️⃣0️⃣左右，而且羊腩煲質素唔差，如果人多食應該會感覺仲抵。
3 瀏覽
0 讚好
0 留言
🐲💬總結：我本身好鐘意食羊腩煲，亦都會周圍去試不同餐廳嘅羊腩煲去作比較，呢間嘅出品的確唔錯，大家都可以去試下。
推薦指數：❤️❤️❤️❤️🤍
張貼
