海膽仔

營業中

休息中

沿住餐廳入口一路直入，右邊雪櫃擺放各種生蠔、蜆，魚生。還未坐低已經胃口大開。剛落完order，先來一個蜆肉海帶湯加沙津。蜆肉海帶湯 - 以為係一般嘅麵豉湯， 點知打開個蓋，睇竟然係蜆肉海帶湯。蜆肉好新鮮，湯底清甜，有驚喜。餐牌選擇多，既然叫得海膽仔，一定要試下佢地嘅海膽。爆膽丼 （$168）- 除咗飯鋪滿左海膽，另外亦都有一小板海膽係飯嘅中間。食落都好新鮮，飯一上枱最好先食紫菜，因為都快「淋」。中間板海膽，就覺得味道突出過舖在飯上嘅海膽，如果配多少少明太子就更加完美。再來一個季節限定珍味丼 （$108） - 有拖羅蓉、鮑魚、帶子、甜蝦等，材料豐富鮮甜好味道。唔知下次來仲有冇得食。餐廳光線充足而柔和，同朋友傾偈都唔錯。當日大約下晝兩點左右去到，已經過咗繁忙嘅午飯時間，但眼見客人都唔少，應該係信心嘅保證。