影片
更多
2024-05-12
134 瀏覽
新蒲崗隱世特色米線 拾秋米線 朋友推薦食呢間隱世米線，我地呢日星期四8點左右到，門口已經大排長龍，座無虛席，我地等左10分鐘左右就入得 (⁎⁍̴̛ᴗ⁍̴̛⁎)米線：🍜我地今次試咗慢煮豬軟骨米線& 炭燒豬頸肉。我哋分別叫咗招牌豬骨湯底同埋秘製酸辣湯底，兩碗都叫左bb辣。不過酸辣湯底對我嚟講太辣，唔太食得辣嘅大家都係食番豬骨湯好啲🙈 不過豬軟骨好入味，唔會好乾柴、豬頸肉都燒得好香口！小食：🦐我地今次試咗三款小食，全部都好出色，大力推薦比大家！蝦多士隻蝦大大嚿啖啖肉，成個多士好入味；百味豆腐做到外脆內軟，豆腐非常嫩滑；椒麻爽魚皮喺香港比較少見，鍾意食川菜嘅朋友仔一定唔可以錯過，魚皮超級爽口又入味，青瓜同雲耳中和番個辣度，口感豐富！我哋仲叫咗上湯娃娃菜，食完重口味野食返碟菜好似健康d，娃娃菜嘅湯底係魚湯，清甜美味！飲品我地叫左益力多檸檬及檸檬蜂蜜柚子茶，正常發揮！總括嚟講，好味！抵食！唔怪之得咁多街坊及附近打工仔黎食，會再幫襯！٩(˃̶͈̀௰˂̶͈́)و溫馨提示，9:00左右last order，有客人摸門釘，想食記住早少少黎喇😆
朋友推薦食呢間隱世米線，我地呢日星期四8點左右到，門口已經大排長龍，座無虛席，我地等左10分鐘左右就入得 (⁎⁍̴̛ᴗ⁍̴̛⁎)
米線：🍜
我地今次試咗慢煮豬軟骨米線& 炭燒豬頸肉。我哋分別叫咗招牌豬骨湯底同埋秘製酸辣湯底，兩碗都叫左bb辣。不過酸辣湯底對我嚟講太辣，唔太食得辣嘅大家都係食番豬骨湯好啲🙈 不過豬軟骨好入味，唔會好乾柴、豬頸肉都燒得好香口！
小食：🦐
我地今次試咗三款小食，全部都好出色，大力推薦比大家！蝦多士隻蝦大大嚿啖啖肉，成個多士好入味；百味豆腐做到外脆內軟，豆腐非常嫩滑；椒麻爽魚皮喺香港比較少見，鍾意食川菜嘅朋友仔一定唔可以錯過，魚皮超級爽口又入味，青瓜同雲耳中和番個辣度，口感豐富！
我哋仲叫咗上湯娃娃菜，食完重口味野食返碟菜好似健康d，娃娃菜嘅湯底係魚湯，清甜美味！
飲品我地叫左益力多檸檬及檸檬蜂蜜柚子茶，正常發揮！
總括嚟講，好味！抵食！唔怪之得咁多街坊及附近打工仔黎食，會再幫襯！٩(˃̶͈̀௰˂̶͈́)و
溫馨提示，9:00左右last order，有客人摸門釘，想食記住早少少黎喇😆
張貼
