窩子

營業中

休息中

今次係二次到訪，難得嚟到新蒲崗，就要再次品嚐呢間人氣窩夫嘅美食。餐廳以綠色為主，裝修懷舊，店員都是一班年青人，很有活力，感覺親切舒服。慢煮牛面頰肉配扁意粉$172慢煮牛面頰肉炆得軟淋，十分入味，醬汁香濃，有陣陣紅酒香味，食落口有即溶嘅感覺。用蒜蓉和橄欖油炒過扁意粉，又香又爽口。慢煮手撕豬腩窩夫三文治$116勁大份，窩夫厚身外脆內軟，手撕豬腩搣到一絲絲，肉質嫩滑，中間夾著蕃茄和生菜，面層有火炙芝士，令味道更加提升。麻薯窩夫椰香奶蓋紅豆配雲呢拿雪糕$80值得一讚，窩夫裏面夾著麻薯和紅豆一齊焗，令到窩夫口感軟糯，配上雲呢拿雪糕，伴碟有香脆椰片和米通，口感更豐富。黑糖焙茶鮮奶$44拉花好靚，微甜嘅黑糖，奶味偏重，入口順滑，幾好飲。榛子鮮奶咖啡$44濃郁嘅咖啡與香滑嘅鮮奶，每一口都感受到榛子嘅香味，為咖啡增添了獨特風味。