影片
更多
2021-09-26
16 瀏覽
今日入咗去新蒲崗食間出名sell海膽、日本刺身嘅餐廳，係鑽石山站落車行過去大概15分鐘，如果唔想行有70小巴轉入去。去到附近都好易認到個門口，好大隻海膽仔嘅圖，加上係黃色嘅背景🐱我哋行入去行到都好肚餓，叫左好多野食，餐廳嘅食物款式種類都好多，重點有海膽刺身魚生、壽司🍣丼飯、串燒、天婦羅🍤沙律，仲有吾同日式嘅小食和主食。海膽都有幾款選擇，分別黎自加拿大海膽、韓國海膽以及墨西哥海膽，因為我哋都想試唔同款式嘅海膽，所以我哋就叫咗個海膽三色丼，丼飯就有唔同款式嘅海膽，都好新鮮而且鮮甜，加拿大海膽就會比較重海膽味，啱啲鍾意食重味嘅人😻另外我哋仲叫咗個燒三文魚丼飯，燒汁都好夾個三文魚，燒三文魚皮都好滑，好有骨膠原❤️三文魚當飯頂仲加有黑松露醬，令到成個丼飯更加香👍🏻另外去到日本餐廳食串燒同埋壽司都係必點，今次就叫咗金菇牛肉村同埋帆立貝串燒，佢哋燒汁都好香，唔會燒到好窿！壽司我哋就叫咗鵝肝壽司、鰻魚芝士卷😋鵝肝壽司也是推介❤️❤️鵝肝非常肥美入口即溶，加埋佢嘅燒汁都基本上唔洗點豉油😌仲有叫咗隻原隻虎蝦天婦羅同埋炸雞軟骨，手卷方面就叫咗一個海膽手卷同埋炸軟殼蟹手卷。個炸雞軟骨非常有驚喜，跟本身就好鍾意食雞軟
今日入咗去新蒲崗食間出名sell海膽、日本刺身嘅餐廳，係鑽石山站落車行過去大概15分鐘，如果唔想行有70小巴轉入去。去到附近都好易認到個門口，好大隻海膽仔嘅圖，加上係黃色嘅背景🐱
我哋行入去行到都好肚餓，叫左好多野食，餐廳嘅食物款式種類都好多，重點有海膽刺身魚生、壽司🍣丼飯、串燒、天婦羅🍤沙律，仲有吾同日式嘅小食和主食。
海膽都有幾款選擇，分別黎自加拿大海膽、韓國海膽以及墨西哥海膽，
因為我哋都想試唔同款式嘅海膽，所以我哋就叫咗個海膽三色丼，丼飯就有唔同款式嘅海膽，都好新鮮而且鮮甜，加拿大海膽就會比較重海膽味，啱啲鍾意食重味嘅人😻
另外我哋仲叫咗個燒三文魚丼飯，燒汁都好夾個三文魚，燒三文魚皮都好滑，好有骨膠原❤️三文魚當飯頂仲加有黑松露醬，令到成個丼飯更加香👍🏻
另外去到日本餐廳食串燒同埋壽司都係必點，今次就叫咗金菇牛肉村同埋帆立貝串燒，佢哋燒汁都好香，唔會燒到好窿！
壽司我哋就叫咗鵝肝壽司、鰻魚芝士卷😋鵝肝壽司也是推介❤️❤️鵝肝非常肥美入口即溶，加埋佢嘅燒汁都基本上唔洗點豉油😌
仲有叫咗隻原隻虎蝦天婦羅同埋炸雞軟骨，手卷方面就叫咗一個海膽手卷同埋炸軟殼蟹手卷。
個炸雞軟骨非常有驚喜，跟本身就好鍾意食雞軟骨有口感得來，佢嘅調味都非常恰到好處，唔會太咸又唔會冇味道👍🏻手卷就不過不失，佢價錢都算抵食！
雖然地方有少少唔就腳，但係食物質素真係不錯而且價錢係非常合理，如果喺其他地方食到咁上下嘅質素，食物價錢應該要double🙂如果大家都想食最好打電話去訂一訂位，因為今日平日去夜晚都滿座🤪
張貼
