秋拾米線

營業中

休息中

又黎encore秋拾米線👍🏼而家愈來愈多人食，次次都要等位排隊，真心好好食！。🥢招牌魚腐米線$49呢碗魚腐米線係招牌菜，絕對值得一試。米線煮得軟糯得黎有咬口，魚腐每日人手整，彈牙又爽，今次我仲加左肥牛滷水雞翼，都係每款$10，好抵食！。🥢炭燒豬頸肉米線$55呢個基本上枱枱都有叫！炭燒豬頸肉炸得勁香脆！仲要原塊上，份量極有誠意，豬頸肉香脆多汁，肉質鮮嫩，加埋個辣汁仲惹味！配料我都另加左羅蔔同滷水腩肉，鍾意個羅蔔夠淋身，腩肉厚實。。 小食都係呢度既重點！幾款食過都好唔錯。「煎釀三寶$21」細份都有齊冬菇、青椒同茄子，即叫即炸，好食！「招牌手作蝦多士$22」呢個又係食到唔停口🤭蝦多士炸得金黃酥脆，舊蝦肉真係咬落多汁，多士勁脆卜卜。「腐乳通菜$20」正常時菜價錢不過不失。。真心呢間米線好好食！小食又好出色🤭難怪愈來愈人黎食。