Honjokko

營業中

休息中

The Sixteenth，位於太古坊濠豐大廈二樓全層，我揀咗其中一間新派日本料理餐廳食晚餐。Tasting menu係最多人揀，因為試到晒signature dishes，果然冇令我失望，保留日本的味道，加入新的元素，相當特別！Edamame 以海鹽調味的枝豆，充滿口感、比花生更健康嘅前菜。Spinach菠菜卷呈柱型狀，食法係要壓碎啲菠菜同芥末籽、芝麻，濃濃既芝麻醬一齊食，好滋味！Salmon Tataki本身係和牛，不過我家人麻麻地生的牛，廚師就tailor made，幫我哋轉咗三文魚。好新鮮，就算要點酸酸甜甜的醬汁，都冇蓋過魚油香。Sashimi有齊我三款最愛的刺身:帶子、吞拿魚拖羅、海膽三文魚子！拖羅脂肪多，入口即溶。海膽鮮甜無比。帶子厚身，圓大飽滿。達omakase 嘅質素。Madai Truffle待應即磨松露灑上沙律上，醬汁係特別調配，鵪鶉蛋、特製醬料、黑松露香氣，三樣加起來，無論香氣、口感都令人愛上呢道菜式。Honjokko O-toro maki一打開玻璃蓋，煙霧離漫，有陣煙燻味，打卡一流。最特別係吞拿魚壽司可以同一時間食到兩種口感一款係肥美啲一款係瘦身啲，口感豐富。