餃掂手工餃子雲吞專門店

夜晚加班，唔想食太油膩，都會去食呢間餃子店，暖胃健康又好味。平日最鍾意食椰菜豬肉餃子，味道鮮甜。今日同事話請客，唔客氣咁叫左至尊松茸豬肉餃同元貝豬肉餃。松茸餃松茸分量唔少，味道比其他餃子濃郁好多，另外會送上一款醬，入邊有少許松茸，味道似XO醬，點上之後餃子味道更加豐富。至於元貝餃，內有芹菜，我就麻麻地呢類有味菜，同事就好鐘意。食完唔夠喉，再叫左碟龍鳳松茸煎餃。呢個餃子非常好味，煎餃香口，味道濃郁又帶黑松露香味。食完大滿足。