影片
更多
2021-07-12
424 瀏覽
今日好忙，做到連晏晝都無時間食，有人好貼心，一早已經喺太古城呢間韓式 Café「Banchan and Cook」搵咗位等我開餐。餐廳設計走小清新路線，店內裝潢以木系為主調，用餐區闊落舒服，配上米白色門面和店內嘅精心擺設，超適合拍照打卡！估唔到有人連食物都預先揀好，太好了！不用我傷腦筋，有慢煮雞胸蛋包飯、韓式牛扒三文治、甜辣無骨炸雞等等，所以一嚟到就已經可以即刻開餐。先試下個慢煮雞胸蛋包飯 ($105)，蛋皮光滑靚仔，喺面頭輕𠝹一刀，蛋漿即時從中間到左右滑下，賣相很吸引。嚐一口，雞蛋好滑溜，而且份量夠多，尾段更會飄出陣陣蛋香。雞胸經過慢煮，肉質鮮嫩，入口啖啖肉，用來拌飯吃一流。另外呢款韓式牛扒三文治 ($188/2件) 造型亦好有特色，用兩片麵包夾住厚切嘅韓式牛扒，牛扒醃得好入味，夠軟腍又 Juicy；麵包烘得甘香，入口又薄又脆。連伴碟嘅沙律都唔馬虎，有紅菜頭、南瓜同薯仔沙律，勁豐富。甜辣無骨炸雞 ($108) 味道亦唔錯，雖然只係點咗半份，但原來份量都唔少，而且仲會跟一小碟沙律。雞件的外皮咬落幾香脆，唔厚粉，雞肉甜甜辣辣，夠嫩滑又多汁，配埋面頭煙煙韌韌嘅年糕一齊食，口感一流。有人
今日好忙，做到連晏晝都無時間食，有人好貼心，一早已經喺太古城呢間韓式 Café「Banchan and Cook」搵咗位等我開餐。
餐廳設計走小清新路線，店內裝潢以木系為主調，用餐區闊落舒服，配上米白色門面和店內嘅精心擺設，超適合拍照打卡！
估唔到有人連食物都預先揀好，太好了！不用我傷腦筋，有慢煮雞胸蛋包飯、韓式牛扒三文治、甜辣無骨炸雞等等，所以一嚟到就已經可以即刻開餐。
先試下個慢煮雞胸蛋包飯 ($105)，蛋皮光滑靚仔，喺面頭輕𠝹一刀，蛋漿即時從中間到左右滑下，賣相很吸引。嚐一口，雞蛋好滑溜，而且份量夠多，尾段更會飄出陣陣蛋香。雞胸經過慢煮，肉質鮮嫩，入口啖啖肉，用來拌飯吃一流。
另外呢款韓式牛扒三文治 ($188/2件) 造型亦好有特色，用兩片麵包夾住厚切嘅韓式牛扒，牛扒醃得好入味，夠軟腍又 Juicy；麵包烘得甘香，入口又薄又脆。連伴碟嘅沙律都唔馬虎，有紅菜頭、南瓜同薯仔沙律，勁豐富。
甜辣無骨炸雞 ($108) 味道亦唔錯，雖然只係點咗半份，但原來份量都唔少，而且仲會跟一小碟沙律。雞件的外皮咬落幾香脆，唔厚粉，雞肉甜甜辣辣，夠嫩滑又多汁，配埋面頭煙煙韌韌嘅年糕一齊食，口感一流。
有人話知道我鍾意食 Basque Cheesecake，本來想幫我點一客，點知嚟到已經賣曬，所以揀咗呢份烤朱古力棉花糖 ($78)。棉花糖面層鋪滿朱古力，賣相好靚，而且仲有拉絲效果，配上香脆嘅麥維他餅底， 濃厚滋味，一試難忘！
連飲品都幫我揀埋，杯玫瑰紅桑子沙冰 ($48) 打得好幼滑，入口酸酸甜甜，果味天然。另外嗰杯伯爵茶鮮奶咖啡 ($48) 味道亦唔錯，入口綿密順滑，帶伯爵茶芳香，清新怡人。
張貼
