Antidote

營業中

休息中

炮台山附近都幾多野食，今日黎到呢間新派韓國菜，粉綠色為主調，小清新設計，幾有田園氣息。估吾到星期日黎到都有午餐menu, 仲有優惠價加購飲品。menu 有一系列釜飯，鍋物，麵食，醬油海鮮，超多選擇。前菜今日有泡菜，年糕，魚糕，蘿蔔，甜蕃薯。🐮首爾牛肉蔬菜鍋(2人)暖笠笠秋冬首選，牛肉份量幾多，肉味濃。牛肉先係鍋中間煎熟，再放到鍋邊同蔬菜一齊煮，蔬菜吸收左牛肉精華，好好食。🐟鯛魚帶子釜飯即叫即整，職員會幫手將釜飯撈匀，有帶子，鯛魚，香葱，芝麻，鍋底仲有飯焦，好香好鮮味。🦐醬油蝦必食！蝦超級鮮味彈牙，腌得好入味，不會咸，拌左流心蛋同兩個飯團。飯團好香海苔味，仲有爽口蘿蔔糕，口感豐富。🐟醬油三文魚呢個有小小日式的味道，腌料甜甜地，三文魚幾肥美鮮甜，配上沙律醬好creamy。🍹Yellow flower 柚子，檸檬，接骨木花，清新清甜。🍹Aloha 菠蘿，檸檬，藍柑。顏色好靚，藍柑味突出。⭐️星期日黎食個relax 午餐，之後仲可以去海傍散步，好寫意。