影片
更多
2019-02-09
126 瀏覽
初四見未開工，帶阿媽出去食好野，咁啱見到呢度有撈起，其實咁多年新年都未食過😆就咁睇餐牌d 材料都真係極之多，我地兩個人叫左份細既試下先。✨材料好豐富，色彩繽紛。店員一路落材料，一路唸口簧咁講d 恭賀說話，真係好搞笑，之後尾聲會叫我地一齊撈起佢。✨材料全部都係勁幼細既絲狀，除左一般青紅白蘿絲，又有柚子，酸柑，海蜇，糖冬瓜，紅薑，吉餅，檸檬葉等等估唔到既食材。之後就會加埋煙三文魚，薄脆，紫菜，花生，醬汁，花生油，胡椒撈埋一齊。✨食落去醬汁帶甜，食材好爽口，加埋d 薄脆幾香，仲食到柚子既香味，感覺幾過癮的不過就偏甜。✨食完甜野飲番個莆田扁肉湯感覺好舒暢，個湯好夠味，加左好多蔥，芫茜，紫菜都幾香。扁肉原來係一粒粒好似mini 版既雲吞咁，個皮好薄好通方透有彈性，入面就包住d 肉， 一碗都有7~8 粒，好cute~~✨又係食海蠣既季節，加上我好鍾意食佢嘅頭水紫菜，所以就叫咗個頭水紫菜海蠣煎蛋。個煎蛋食落好有彈性，原來入邊加咗蕃薯粉，而且裏面真係超多海蠣，食落淡淡鮮味仲有好多紫菜添。✨紅毛榴槤汁真係好少見，飲落酸酸甜甜咁都幾得意。另外粟米汁都好清甜，唔會係d假嘅粟米味，感覺好清新。✨莆田滷麵：個湯
就咁睇餐牌d 材料都真係極之多，我地兩個人叫左份細既試下先。
✨材料好豐富，色彩繽紛。店員一路落材料，一路唸口簧咁講d 恭賀說話，真係好搞笑，之後尾聲會叫我地一齊撈起佢。
✨材料全部都係勁幼細既絲狀，除左一般青紅白蘿絲，又有柚子，酸柑，海蜇，糖冬瓜，紅薑，吉餅，檸檬葉等等估唔到既食材。之後就會加埋煙三文魚，薄脆，紫菜，花生，醬汁，花生油，胡椒撈埋一齊。
✨食落去醬汁帶甜，食材好爽口，加埋d 薄脆幾香，仲食到柚子既香味，感覺幾過癮的不過就偏甜。
✨食完甜野飲番個莆田扁肉湯感覺好舒暢，個湯好夠味，加左好多蔥，芫茜，紫菜都幾香。扁肉原來係一粒粒好似mini 版既雲吞咁，個皮好薄好通方透有彈性，入面就包住d 肉， 一碗都有7~8 粒，好cute~~
莆田扁肉湯
21 瀏覽
0 讚好
0 留言
✨又係食海蠣既季節，加上我好鍾意食佢嘅頭水紫菜，所以就叫咗個頭水紫菜海蠣煎蛋。個煎蛋食落好有彈性，原來入邊加咗蕃薯粉，而且裏面真係超多海蠣，食落淡淡鮮味仲有好多紫菜添。
頭水紫菜海蠣煎蛋
12 瀏覽
0 讚好
0 留言
✨紅毛榴槤汁真係好少見，飲落酸酸甜甜咁都幾得意。另外粟米汁都好清甜，唔會係d假嘅粟米味，感覺好清新。
紅毛榴槤汁，粟米汁
8 瀏覽
0 讚好
0 留言
✨莆田滷麵：個湯好甜，入口帶點鮮。入面有蝦，蜆，仲有東菇，肉片。麵條腍得來入晒味，而且入面有啲芹菜碎，食起上嚟更加香。
莆田滷麵
23 瀏覽
0 讚好
0 留言
✨金湯時蔬：個湯好香鹹蛋黃味，豆苗都好清甜，新年食咗咁多油膩野，食呢道菜清一清啱晒。
✨幾鍾意佢個茶包係菊花茶，味道好清香又可以解解毒。
✨臨走仲有袋禮物仔收，入面除咗有coupon，仲有兩個柑添，感覺好窩心😆。一讚呢度服務態度唔錯，而且卡座非常寬闊坐得好舒服，啱晒帶屋企人嚟擦翻餐。
張貼
