古今

營業中

休息中

💡新奇有趣日式卷物Lunch time 想食日式餐廳，又想有少少新意，去到呢間有特色卷物既日式餐廳，卷物名好有趣，見到有金龍卷，富士山，辣妹，蜘蛛等等，同埋性價比都唔錯，值得推介。🍽 蜘蛛🕷️見到有款卷物叫蜘蛛🕷️好奇睇下係咩黎，原來係炸軟殼蟹卷，個名咁有趣就叫黎試下！炸軟殼蟹之外仲有青瓜、牛油果、蟹柳，到底要邊個角度睇先睇到係蜘蛛呢，大家不妨比少少幻想力，我就食下野先，炸軟殼蟹食落脆卜卜，加上其他食材食落口又唔會好油膩仲有少少fresh既感覺tim👍。🍽 鹿兒島黑豚荔枝卷串燒🍢細薄既豚肉配搭香甜既荔枝，創造出一款相對清淡既小食。黑豚肉巧妙地包裹著荔枝，荔枝既甜有效咁中和左黑豚的油潤感。呢款串燒咸甜味道結合得天衣無縫，層次分明。🍽 鹽燒白鰻白鰻魚烤至香脆的邊緣，魚肉結實而有彈性，非常值得推薦。魚肉不過分油膩，同埋魚骨較少，經鹽燒處理後格外引人入勝。每一小塊白鰻既皮帶有細膩既韌性，簡單調味已經能突出其鮮美，展現了白鰻的獨特風味同質感。🍽 芝麻雞翼🍗燒到外脆內軟既完美口感，既香又嫩滑，每一啖都令人食欲大增，雞翼炸到外面香脆而內裏仲係滿滿既肉汁，整體口感又香脆又多汁，油膩感都唔會太重，好正！