影片
更多
2023-04-29
55 瀏覽
跟住米芝蓮摘星餐廳去搵食，莆田已經連續六年擇到米芝蓮一星，融合新加坡、福建菜，而且價錢相當親民。中菜館裝修佈置貼近香港酒樓，唔同係每張枱靠近牆邊或窗邊，中央位置丟空，有空間感之餘，感覺亦相對寧靜，而且更份外乾淨整潔。菜館入面嘅侍應嘅姐姐態度溫和親切，會問客人餸菜啱唔啱胃口。近期有海蟶推廣優惠，呢度嘅蟶子菜式多達九種，點選任何2種$219，比單點可以平幾十蚊咁多！✔️莆田農家蟶溜湯$139(單點價錢)當地農家做法，有蕃茄、椰菜花、蛋花、蔥花，仲有大量嘅主角海蟶，Regular份量夠兩個人最少飲兩碗，海蟶多到幾乎每碗都食到四、五隻，又爽又甜。湯底酸酸甜甜，起初以為係蕃茄嘅自然酸味，飲落原來係加咗醋提味，令成個湯好清新、好開胃。而家天氣必飲！✔️蒜蓉蒸海蟶$129 (單點價錢)呢度嘅海蟶有別於我哋平時食到嘅蟶子咁大條，係細size， 口感當然好爽，用蒸嘅方法可以食到海鮮嘅原汁原味。蒜蓉磨到最細滑，分配到每隻海蟶上，增添滋味！✔️芋香鴨$98工序比較多啲嘅一個菜式，起晒骨嘅鴨肉被粉綿嘅厚芋泥包住，最外面嗰層酥皮薄脆到差唔多一夾就散。鴨肉有少少鹹香唔油膩，芋泥散發微微嘅香甜，加埋超薄嘅酥皮，有三重口感
✔️莆田農家蟶溜湯$139(單點價錢)
當地農家做法，有蕃茄、椰菜花、蛋花、蔥花，仲有大量嘅主角海蟶，Regular份量夠兩個人最少飲兩碗，海蟶多到幾乎每碗都食到四、五隻，又爽又甜。湯底酸酸甜甜，起初以為係蕃茄嘅自然酸味，飲落原來係加咗醋提味，令成個湯好清新、好開胃。而家天氣必飲！
✔️蒜蓉蒸海蟶$129 (單點價錢)
呢度嘅海蟶有別於我哋平時食到嘅蟶子咁大條，係細size， 口感當然好爽，用蒸嘅方法可以食到海鮮嘅原汁原味。蒜蓉磨到最細滑，分配到每隻海蟶上，增添滋味！
✔️芋香鴨$98
工序比較多啲嘅一個菜式，起晒骨嘅鴨肉被粉綿嘅厚芋泥包住，最外面嗰層酥皮薄脆到差唔多一夾就散。鴨肉有少少鹹香唔油膩，芋泥散發微微嘅香甜，加埋超薄嘅酥皮，有三重口感，但又唔飽滯！
✔️鐵鍋包菜飯$118
本身已經加入咗包菜、滷肉、蝦米、香菇、蟶乾、乾貝，一齊燜，現燜上枱，侍應仲即場加入芹菜粒、蔥花粒、花生粒、魚仔，務求掌握食材嘅進食最佳時間。一啖飯充滿各種滋味，飯粒吸收晒唔同食材嘅鮮味，味道好豐富！
✔️馬來風光$88
通菜幼身，比較爽脆，用東南亞家常做菜用嘅叄巴醬醬炒，呢種特製辣椒醬口味唔算濃烈，辣辣哋，啱我胃口。
✔️酥炸冰心榴槤$58
新加坡特色甜品，用新鮮榴槤果肉雪凍做餡，外層係鬆脆酥皮，下面係濃郁嘅榴槤醬汁，一啖落口，榴槤味喺口腔徘徊不去！
10% service charge
張貼
