莆田 (荃灣廣場)

莆田是傳統福建菜中菜館，讓人享受到福建料理的魅力。荃灣廣場分店， 以淺木色為主調， 佈置清麗優雅，環境舒適。 正好鰻魚當造， 餐廳提供多款鰻魚菜式優惠， 讓人大 飽口福， 喜歡吃鰻魚的粉絲們不可錯過！普寧豆醬焗鰻魚 $168當造的鰻魚，肉質肥美飽滿，令人垂涎， 入口鮮味爽彈， 魚油豐沛 ， 鮮味十足，搭配了普寧豆醬， 令味道更鮮香濃郁， 滋味提升。福建海鮮滷麵 $118特色福建滷麵， 麵條柔潤順滑， 米香十足， 加上鮮味的蝦肉、 海蜆肉及香芹提鮮， 口感豐富， 鮮香味甜，讓人喜歡 。福建特色海蠣煎 $128剛剛煎起的海蠣煎， 顏色金黃吸引，蛋香吸引， 外脆內嫩，海蠣肥美鮮甜，讓人一口接一口。百秒黃花魚 $78鮮嫩的黃花魚， 完全浸泡在奶白湯 汁中， 雪白的魚肉保持鮮嫩滑溜， 吃到魚的天然鮮味， 原汁原味。金湯時蔬 $88時令菠菜， 色澤翠綠誘人，清甜軟嫩， 十分清爽 ， 簡單而滋味。…Read More

莆田嘅餐牌有唔少有新鮮感嘅菜式，質素一向唔錯，又不時有d 新菜式。今次再來試下其他餸。❌福建紅菇海鮮滷麵 冇海鮮味，冇菇味，普普通通杰杰地嘅湯底。材料頗豐富，味道普通。唔明點解係招牌菜。唔推介。金湯時蔬 味道正常，個汁太杰。:)阿元香草雞 雞嘅質地同口感比較硬實，汁嘅味道清淡得來都夠味。味道唔錯，可惜係份量太細。蒜蓉蒸頭哆蟶  蟶子唔爽甜，比較淡同腍身。主要係食蒜蓉味。普通。紫菜炆飯 有粒粒質感，唔會太濕。有紫菜同海味乾嘅香味。好味！👌🏼大白菜燉軟豆腐湯冇想像中咁鮮甜好味。只係好淡嘅清湯味，味道好家常。除咗小菜，入邊仲有啲類似油豆腐，同埋有d 蟶子煲到好似橡筋咁硬。成個湯冇想像中希望係濃郁嘅白湯味。普普通通。🥲魚蛋燕皮餃以前幾鐘意佢嘅燕皮餃，雖然細細粒，但幾滋味。但依家多左粒魚蛋。粒巨型魚蛋麻麻地，佢入面有個肉餡，但外層太厚又粉，唔好食。反而希望佢出返個option 係唔使食嘅魚蛋，就咁只食餃子。…Read More

福建特色紅糟鰻（例 $158）——塊鰻魚醃到粉紅色少女心爆發，外脆內嫩仲帶酒香，好惹味呀。椒鹽豬手（片）（$78/份）——叫咗兩份！豬手炸到脆過薯片，椒鹽香到隔離枱偷師。闆南姜母鴨（例 $128）——薑味濃到似阿嬤的愛！鴨肉燉到骨肉分離，湯汁撈飯無得輸，送飯一流。燕皮扁肉湯（位 $64）——燕皮薄到透光，肉餡鮮甜似福建雲吞，湯底酸酸地好開胃。興化炒米粉（例 $118）——米粉幼過蜘蛛絲，配料多到似尋寶，鑊氣足又乾爽，係全場最抵食之選！枇杷膏（$58）——食飽買埋返屋企看門口，甘潤到喉嚨自動播《春天花會開》🌸，包裝幾靚仔送禮都唔錯。茶位：$18/位—總結：味道：4.5/5 （福建菜正宗，鑊氣十足）價錢：3.5/5 #莆田荃灣 #福建菜 #椒鹽豬手脆皮系代表 …Read More

❣️荃灣莆田鰻魚節大滿足！黃金脆皮鰻魚尾驚艷脆口❣️一家三口嚟荃灣莆田，食新出嘅「莆田鰻魚節」菜式！必點✨黃金脆皮鰻魚尾✨外皮炸到超酥脆，咬落咔嗞聲，入面肉質嫩滑又鮮甜，連平時唔多食魚嘅小俐俐都搶住食😛我哋叫咗兩個午市套餐，超抵食👍🏻我揀嘅酸甜黄花魚🌟煎得香口，酸甜汁開胃又唔膩，配白飯啱啱好。套餐小菜有爽口水晶豬蹄凍！、鮮味十足蝦苗拌紫菜、清新解膩撈汁青瓜，仲有燉湯同冬瓜薏米水，真心足料🙌🏻爸爸嗌咗莆田荔枝肉🌟肉質軟淋，醬汁濃郁又唔會過甜。佢套餐小菜有口感得意阿溜土筍凍、流心溏心蛋、入味有嚼勁家鄉燜徛乾😍忍唔住叫多幾款小食😆農家炸京糕外脆內軟、福建黄饅頭香甜鬆化、莆田紅團煙韌豆香濃、家鄉白米糕清淡啱小朋友、鹹香黃花魚鹹鮮惹味、閩南五香卷香口唔油膩、脆皮赫香雞皮脆肉嫩😜…Read More

去莆田食飯，真係覺得每樣都好有驚喜！✨🍴 黃金脆皮鰻魚尾：外皮炸到脆卜卜，裡面嘅鰻魚肉滑到不得了，香口又唔膩。🍲 山泉水煮活鰻魚：湯底清甜，鰻魚新鮮冇腥味，飲落好舒服。🥩 家常豬蹄凍：Q彈爽口，膠質感滿滿，加少少蒜醋味，超開胃！🥮 黃金荷葉包：包身軟綿綿，帶淡淡荷葉香，好特別。🥬 金湯時蔬：南瓜湯底甜甜地，配埋清爽蔬菜，感覺健康又解膩。🍜 興化炒米粉：招牌之選！炒得乾香分明，每條米粉都有蝦米同醬香，好有鑊氣。總結：每一道都好有水準，莆田真係會令人想再返去！❤️…Read More

相信大家對呢間主打福建菜嘅連鎖店都唔陌生，最近主打鰻魚系列，以唔同烹調方式呈現鰻魚嘅鮮味，因午餐時段到訪，發現特定分店嘅午餐同下午茶超級抵食，性價比甚高，難怪咁多人幫襯。私心推介黃金脆皮鰻魚尾，炸至金黃酥脆，皮唔算好厚且唔油膩，鰻魚鮮甜，啖啖肉。午市、下午茶有多款菜式供應，跟金湯時蔬、餐湯、主食同加配飲品/點心。沙茶海鮮鍋超足料，湯底微微辣十分惹味，大魚蛋、海鮮、芽菜等聚集一起，搭配白飯同油條好Match。點心則要咗黃饅頭、紅團、白米糕、糯米球、甜度適中，口感軟熟，當作下午茶甜點最合適不過。另外叫咗幾款招牌單點菜，人氣之選當然唔少得椒鹽豬手，外層脆身，骨膠原滿滿，鹹度亦啱啱好，次次去都一定要食。荔枝肉比較大件，沾滿醬汁，酸甜開胃，仲有荔枝，幫助解膩。最後要埋鮮貝燴絲瓜，燴得幾淋但同時帶點咬口，味道比想像中濃郁，膳食纖維要有，感覺健康😊…Read More

放假最鐘意去莆田食嘢，地方環境好，店員服務又好，已經成為我飯堂啦🥢黃金脆皮鰻魚尾整得金黃香脆，粉漿薄，入面鰻魚肉都好多，有埋醬汁夠惹味🥢傳統海蠣煎次次都食，蛋香海蠣多，整體好食口感豐富，就咁食都好正，員工介紹埋辣醬汁，仲好食惹味🐥脆皮蒜香雞外皮真係好脆同勁多蒜，但整得好好食，外脆肉滑唔乾身🥢興化米粉呢款係呢到招牌之一，炒米粉夠乾身，米粉幼身但口感好好，完全唔油，炒得好好有鑊氣，配料有蜆肉、蝦、肉、菜、花生等🥛冬瓜薏米水好濃稠，平時唔鐘意食埋薏米，但呢度又煲得好食可以食埋，仲有冬瓜粒，整體好食有口感，不太甜，消暑解渴一流…Read More

莆田鰻魚節到喇！選用出口級鰻魚品種，肥嫩且油脂豐富，主打條條都是活鰻到店🔸黑金蒜燒鰻魚 $168 今季嘅新品，濃厚醬油包裹住肥美鰻魚，黑蒜蒜香濃郁撲鼻🔸榴蓮沙冰$24 鰻魚節菜品加配價淡淡榴蓮香氣唔霸道，口感像奶昔多一點🔸興化炒米粉$118 每次黎到必點的招牌，配埋秘製辣椒醬真係好好味🔸脆皮蒜香雞 $168/半隻而家比較少食到風沙雞，脆皮蒜香十足！🔸莆田荔枝肉 小 $98 大大塊，份量十足，玫瑰露香氣突出$36 茶位 前菜$12/碟…Read More

最近莆田做緊鰻魚節，推出咗唔同嘅鰻魚套餐，我今日就同朋友去咗呢一間位於荃灣廣場嘅莆田食飯。普寧豆漿焗鰻魚鰻魚焗得非常之香，入口有豐富嘅魚油香味，完全唔會覺得腥臭。脆皮蒜香雞雞肉入口彈牙，外皮好香脆，入口有香濃嘅香味，充滿肉汁。原汁焗排骨排骨入口非常之香濃，肉質軟腍腍，煮得好入味。海鮮滷麵麵條彈牙，有唔少嘅配菜，例如蝦肉，蜆肉等等，入口唔會覺得肥膩，煮得好入味。整體嚟講，今餐嘅食物質素唔錯，鰻魚菜式亦都好有特色，真係食到舔舔脷。…Read More

荃灣廣場的莆田餐廳，環境簡潔明亮，座位舒適，卡位空間特別適合作為聚餐或與朋友輕鬆小聚的好地方, 也特別搞釣魚遊戲黄金脆皮鰻魚尾 $158以新鮮鰻魚尾製作，外層酥脆，魚肉內部嫩滑，油脂豐富，咬落層次分明糖醋大黃魚 🐟 $228魚肉細嫩滑身，外脆內軟，糖醋汁味道酸甜開胃，帶少少果香九轉小腸 $128小腸經滷汁慢火處理，質感軟糯又帶韌性，調味偏濃郁卻不死鹹，愈嚼愈出香氣興化炒米粉🍜 $118米粉爽口，不油膩，炒得分明，材料有蜆肉、蔬菜同蝦，每一啖都好豐富，香味四溢🎇 莆田 (荃灣廣場)🎈 荃灣大壩街4-30號荃灣廣場L4樓416號舖…Read More

香芋酥鴨好味，芋頭炸得好香，擦邊粉好味好似麵線，下次都會再嚟食！店員好好笑容、加分另外想話個辣醬好特別，酸酸辣辣咁，又唔係太辣，好啱幫啲嘢食調味，令到胃口好好！…Read More

所謂「不時不食」 夏天係哆頭蟶盛產季節 我會約朋友食蟶子 同福建特色小吃/麵食-🥢白切羊肉叫咗呢款莆田獨特嘅冷盤菜餚 羊肉連皮同膏脂大啖食 有少少羶 嗰種肥瘦適中而又肉質紮實嘅口感 相當唔錯😌-🥠燘筍乾我嘅必吃小食‼️ 筍乾片底下 有火熱住上 燘筍入口軟爛 鹹甜適中 有濃郁醬香味-🐟 鹹香黃花魚黃花魚走油再香煎 魚骨唔算太多太細 炸魚皮香脆好食😋-🦪豉椒炒哆頭蟶莆田做緊哆頭蟶節 有八種食法 可以做小食/放湯/香炸/小菜 我哋鍾意惹味啲 用青椒🫑香菇🍄‍🟫豉椒炒 哆頭蟶體型飽滿 肥美鮮甜 冇沙冇腥味 相當下飯 雖然我哋鍾意食麵多啲🤭🤭-🍲福建海鮮滷麵沙茶醬係福建菜嘅靈魂 為滷麵帶嚟獨特風味 用佢同花生醬做湯底 濃郁濃稠 手工麵條口感Q彈 難怪周圍有好多客人 order唔同種類嘅湯麵 -🍐桂花陳皮燉雪梨…Read More

餐廳會隨着不同季節推出時令菜式，一定唔可以錯過「哆頭蟶」為主題嘅菜式，佢係福建莆田出產嘅特別蟶子品種，出名肥美~🔘豉椒炒哆頭蟶哆頭蟶大隻飽滿，鮮甜冇沙，豉椒炒好惹味，蟶子同青椒嘅份量都好多，抵食~🔘莆田荔枝肉可以話係招牌菜，整得幾好味，荔枝肉香甜，酸酸地好開胃，揀選嘅豬肉肥瘦適中，唔會炸到過火~ 🔘芋香鴨食落層次分明，首先最外層食到香脆口感，跟住係綿密嘅芋蓉，中間包住鴨肉，幾特別唔係咁多地方食到~🔘莆田地道燜豆腐超多蔬菜粒粒加埋蛋一齊蒸嘅軟滑豆腐，應該叫碗飯一齊食~🔘興化炒米粉鍾意呢款幼身嘅米粉，炒完依然乾身有韌性，唔會太油膩，配料非常豐富，有哆頭蟶、鮮蝦、蜆肉、豬肉、小貝柱等等~…Read More

每次嚟都食扁肉，今次啲鰻魚唔錯，試咗普寧豆醬叫佢少油小鹽真係做到，魚肉好新鮮。記得用八八折券真係抵啲雖然都唔係抵。如果可以改善嘅話就係扁肉湯個湯唔好用味精菊花茶都好味。…Read More

The food here is nice and the services are good, the seasonal menu can always surprise me. No doubt this is my family canteen already.…Read More