星洲總廚 (大全街)

營業中

休息中

成日都好鐘意去大角咀支持唔同嘅小店，星洲總廚就真係值得試下。如果唔係朋友介紹，都唔知呢間小店咁出名。中午時段全店滿座，但上菜速度好快，員工有禮勤力。招牌厚切豬扒喇沙第一次食梗係要試吓佢嘅招牌菜啦，呢個厚切豬扒真係充滿驚喜，一整塊豬扒切成小件，真係同佢個名一樣超級厚肉。而叻沙湯底非常正宗，仲有豆卜，魚蛋和半熟蛋，揀埋摻摻麵底。滿堂椰漿飯呢個飯勁呀，岩哂有選擇困難症嘅朋友，因為佢包括豬頸肉，咖喱牛腩，雞扒，樣樣都有，可以一次過試哂。仲有配料魚仔乾同埋花生。