影片
更多
2023-08-07
260 瀏覽
前排嚟過呢到食自助餐，覺得食物種類幾豐富，而且性價比都幾高。最近見到推出新主題「品味饕宴＋自助晚餐」，以和牛、鴨肝以及花膠做賣點，感覺更加矜貴。第一around 嚟到當然嚟拎我最愛嘅牛扒，呢到嘅牛扒火喉控制得好好，顏色粉嫩相當吸引！仲有即切即包嘅片皮鴨，鴨皮香滑脆口，每啖都好滿足！跟住就到鴨肝！煎到外脆內軟，雖然好邪惡，但真係幾好味，而且係任拎，食多幾件就回本！海鮮方面，波士頓龍蝦同埋麵包蟹都係我最愛！龍蝦好彈牙，麵包蟹勁多膏，食得好滋味～仲有刺身選擇都唔少，我都encore 咗幾round ！仲有必食嘅即燒和牛壽司，大大一片和牛盡吸眼球！即煮嘅和牛壽喜燒，我都幾鍾意佢嘅味道！和牛油香充足，不錯不錯。記得一定要食呢個今日嘅主角- 花膠，都幾大塊好足料，煮得幾腍身同入味！呢到嘅雪糕除咗平時食開嘅Häagen-Dazs雪糕，竟然仲有Häagen-Dazs 雪糕批，真係唔多酒店自助餐會咁重本！平時單買個價都唔平，真係估佢唔到！甜品方面，呢到款式都真係幾多，賣相都幾精美，不知不覺都食咗唔少！
第一around 嚟到當然嚟拎我最愛嘅牛扒，呢到嘅牛扒火喉控制得好好，顏色粉嫩相當吸引！
仲有即切即包嘅片皮鴨，鴨皮香滑脆口，每啖都好滿足！
跟住就到鴨肝！煎到外脆內軟，雖然好邪惡，但真係幾好味，而且係任拎，食多幾件就回本！
海鮮方面，波士頓龍蝦同埋麵包蟹都係我最愛！
龍蝦好彈牙，麵包蟹勁多膏，食得好滋味～
仲有刺身選擇都唔少，我都encore 咗幾round ！
仲有必食嘅即燒和牛壽司，大大一片和牛盡吸眼球！
即煮嘅和牛壽喜燒，我都幾鍾意佢嘅味道！
和牛油香充足，不錯不錯。
記得一定要食呢個今日嘅主角- 花膠，都幾大塊好足料，煮得幾腍身同入味！
呢到嘅雪糕除咗平時食開嘅Häagen-Dazs雪糕，竟然仲有Häagen-Dazs 雪糕批，真係唔多酒店自助餐會咁重本！平時單買個價都唔平，真係估佢唔到！
甜品方面，呢到款式都真係幾多，賣相都幾精美，不知不覺都食咗唔少！
張貼
