影片
更多
2024-10-19
2515 瀏覽
睇到YouTube有人介紹佐敦呢間排隊人氣泰國菜「泰排檔」，廚房大廚係米芝蓮泰菜Samsen出身，講到夜晚要排成個鐘先有得食，就睇吓係咪咁猛料😳咁就趁平日放假晏晝嚟試吓啦！大概三點先到，唔使點等位，但係餐廳入面都坐滿人，樓面店員都係泰國人，都幾有禮貌。之前都有食過Samsen嘅船麵，今次都叫咗和牛船麵🍜見到廚房得一個人煮，都等咗一段時間。賣相唔錯，配料除咗有和牛之外，仲有牛丸、炸豬皮，湯底幾濃郁，仲有少少椰香嘅感覺🤔唔知落咗啲咩呢，係咪同豬血有關呢？麵底可以揀金邊粉或者蛋麵，我哋要咗金邊粉都好索湯。另外叫咗醉貓炒河配虎蝦🦐其中以佢隻闊身河粉，口感帶點煙韌，都幾有鑊氣好惹味😋小食方面，原來夜晚先有炸蠔餅，勁想試。要咗炸飛天通菜🥬炸粟米蝦餅🌽🦐沙嗲雞🐥炸粟米蝦餅好食！彈牙之餘，仲有趣卜卜粟米🌽炸得好香口！另外沙嗲雞都唔錯，即叫即燒熱辣辣，個沙嗲汁先係精粹，有少少花生碎🥜甜品要咗泰式椰子雪糕🥥泰式斑蘭雪糕🍨記得samsen有椰子殼，呢度就用咗碗裝，一樣係有花生、椰子肉，如果用返椰子殼神還原泰國feel就好啦。飲品$8就有青檸梳打真係好抵嘅🍹另一杯要咗熱情，芒果冰沙，都足料。總結一下，整體質素
之前都有食過Samsen嘅船麵，今次都叫咗和牛船麵🍜見到廚房得一個人煮，都等咗一段時間。賣相唔錯，配料除咗有和牛之外，仲有牛丸、炸豬皮，湯底幾濃郁，仲有少少椰香嘅感覺🤔唔知落咗啲咩呢，係咪同豬血有關呢？
麵底可以揀金邊粉或者蛋麵，我哋要咗金邊粉都好索湯。
另外叫咗醉貓炒河配虎蝦🦐其中以佢隻闊身河粉，口感帶點煙韌，都幾有鑊氣好惹味😋
小食方面，原來夜晚先有炸蠔餅，勁想試。要咗炸飛天通菜🥬炸粟米蝦餅🌽🦐沙嗲雞🐥炸粟米蝦餅好食！彈牙之餘，仲有趣卜卜粟米🌽炸得好香口！
另外沙嗲雞都唔錯，即叫即燒熱辣辣，個沙嗲汁先係精粹，有少少花生碎🥜
甜品要咗泰式椰子雪糕🥥泰式斑蘭雪糕🍨記得samsen有椰子殼，呢度就用咗碗裝，一樣係有花生、椰子肉，如果用返椰子殼神還原泰國feel就好啦。
飲品$8就有青檸梳打真係好抵嘅🍹另一杯要咗熱情，芒果冰沙，都足料。總結一下，整體質素都唔錯，有泰國風味，食材都高質，價錢都貼地，如果想食地道泰國街頭風味都可以試吓🥢
📍#泰排檔 (#佐敦美食 #柯士甸美食)
#佐敦 文苑街24號地舖
張貼
