影片
更多
2022-10-21
1156 瀏覽
天鮨Ten Zushi *** *** *** *** *** *** *** ***預約困難店之一，首先好多謝朋友幫手做到野👍🏻👍🏻👍🏻*** *** *** *** *** *** *** ***Dinner Omakase $2280+10%*** *** *** *** *** *** *** ***師傅名唔俾出*** *** *** *** *** *** *** ***刺身類（我諗）•慢煮北海道帆立貝配高湯- 我已經唔記得咗師傅話慢煮幾多分鐘，食材新鮮高質。帆立貝一開三切件，事先係帆立貝度開刀😂，食落去更加掛湯。•自家製鮭魚子（筋子）- 食得出既新鮮Q彈，每一粒都脹卜卜，而且味道方面鹹甜好平衡做得好好，師傅好強調要清走晒啲血絲，否則就會腥臭影響口感。•鱈魚白子 - 最愛之一🥰🥰🥰輕輕醬燒過既白子，外香內滑。師傅將佢一開二，一半配Wasabi一半原味（正常版好似係配彩椒）。師傅建議食咗原味先，另一半配個脆脆紫菜一齊食❤️諗返起都嘴角流眼淚🤤•穴子肝醬多士 - 肝醬細滑完全冇苦味，個面灑咗啲紫蘇花同海苔粉點綴，肝醬帶着甘甜夾埋牛油多士一齊食。好邪惡嘅感覺。*** *** ***
*** *** *** *** *** *** *** ***
預約困難店之一，首先好多謝朋友幫手做到野👍🏻👍🏻👍🏻
*** *** *** *** *** *** *** ***
Dinner Omakase $2280+10%
*** *** *** *** *** *** *** ***
師傅名唔俾出
*** *** *** *** *** *** *** ***
刺身類（我諗）
•慢煮北海道帆立貝配高湯- 我已經唔記得咗師傅話慢煮幾多分鐘，食材新鮮高質。帆立貝一開三切件，事先係帆立貝度開刀😂，食落去更加掛湯。
•自家製鮭魚子（筋子）- 食得出既新鮮Q彈，每一粒都脹卜卜，而且味道方面鹹甜好平衡做得好好，師傅好強調要清走晒啲血絲，否則就會腥臭影響口感。
•鱈魚白子 - 最愛之一🥰🥰🥰輕輕醬燒過既白子，外香內滑。師傅將佢一開二，一半配Wasabi一半原味（正常版好似係配彩椒）。師傅建議食咗原味先，另一半配個脆脆紫菜一齊食❤️諗返起都嘴角流眼淚🤤
•穴子肝醬多士 - 肝醬細滑完全冇苦味，個面灑咗啲紫蘇花同海苔粉點綴，肝醬帶着甘甜夾埋牛油多士一齊食。好邪惡嘅感覺。
27 瀏覽
0 讚好
0 留言
*** *** *** *** *** *** *** ***
密集咁樣食完四樣嘢😂😂😂稍作休息就迎接鮑魚同埋壽司
*** *** *** *** *** *** *** ***
•澳洲黑邊鮑配鮑魚肝醬 赤醋飯 - 先食原味再點肝醬，然後剩低嗰醬就拌飯食。好重嘅鮮味同埋咁厚身佢都可以做到唔韌，用牙輕輕咬就可以輕鬆咬開，赤醋飯味中酸得帶甜。。。
*** *** *** *** *** *** *** ***
•來自豐後水道（九州大分同四國愛媛中間個海）間八（大條鰤魚）- 經過9日熟成配以醋橘子汁，加上顆粒感重同偏酸嘅白醋飯，就係今晚壽司既序幕。老老實實，本身唔係好鍾意鰤魚，所以無感。
•岩手縣石垣貝 - 師傅話要用手食😂準備將手板伸出去，啪一聲，師傅就會打粒貝一下，因為貝類嘅肌肉神經反應，石垣貝就好似未死咁仲識旭。以上都唔係重點。重點係呢粒石垣貝極鮮甜清爽。配上白醋飯既酸令貝貝甜度更加大大提升。
•Signature魷魚海膽 - 先將魷魚切薄片再𠝹一絲絲，然後好似三文治咁夾住來自禮文島嘅羽立白海膽。魷魚嘅軟糯同埋海膽Creamy鮮甜🤤聽師傅講食埋呢個禮拜就可能冇日本海膽食😂因為捉海膽嘅水域會遷移去到俄羅斯嘅海域入邊。
•三日熟成來北海道根室既秋刀魚 - 配以芝麻白昆布，小小薑蓉係面提鮮辟味，舍利為赤醋。當造時魚，肉味濃，比起平時香滑少少，重點唔腥😂
• 20日熟成 來自青森大間既中拖羅（係一個中長期熟成處理）-配赤醋飯，入口軟滑帶啲爽，因為係中拖既關係唔會太膩，甘甜醬香油脂感係口入面擴散。🤤
*** *** *** *** *** *** *** ***
食咗一輪壽司，可以稍作休息，又上下啲醋物同間場料理，清清個口😌
*** *** *** *** *** *** *** ***
醋物 - 高糖度蕃茄同岳粟米
靜岡縣嘅高糖度蕃茄配薄雪鹽，加上生長喺青森高原地帶既岳粟米。清甜脆嫩🥰比起北海道食嘅白粟米甜度更高。
（因為我唔食蕃茄，所以我係有兩舊粟米😂）
•愛知縣白象拔蚌 配 肝醬豆腐
- 呢個係值得自己一張相😂上面既象拔蚌爽脆清甜，下面係用 蚌肉、肝同水打成香濃軟滑既肝醬豆腐，口感上既落差同味蕾上既衝擊，真心打開新世界嘅大門，兩樣完全唔同嘅嘢，偏偏可以咁和諧咁一齊🥰
煮物 - 鯛魚配舞茸菇，灑上柚皮取其香氣，湯頭帶小小果酸同清甜。
炸蟹肉春卷 - 入秋就係食蟹既好時節，呢個係松葉蟹加毛蟹同薑蔥做既內餡，配蟹膏蟹子醬。因為我唔食蔥，師傅另外整多咗一個蟹肉配紫蘇葉嘅版本俾我🥰佢兩樣放喺我面前，嗰刻係感動左😂佢可以完全唔需要比有蔥版嘅我試😌
*** *** *** *** *** *** *** ***
終於仲有最後四件壽司同一件太卷就食完。
•長崎對馬海峽既醋鯖魚又係白昆布😂入面有啲乾瓢（醃葫蘆瓜），爽爽脆脆帶微酸感。無乜特別🙃
•十五日熟成大拖羅 來自北海道戶井 - 師傅選用霜降位而非蛇腹就係因為霜降位比較少筋同埋爽脆回甘，熟成後既油脂感更重同更滑嫩。
•利尻海膽 - 甜度雖然不及禮文島既白海膽，但係呢款就creamy取勝🥰🥰🥰海膽新鮮係點都冇得輸🥰
•煮穴子 - 又係長崎對馬海峽
師傅以自家調配既醬汁去烹煮穴子，醬汁味道偏淡，更特出穴子既綿滑。
最後太卷 - 超多餡料：燒穴子+玉子+熟蝦+鮑魚絲+青瓜絲+乾瓢絲
*** *** *** *** *** *** *** ***
最後既最後 - 湯同甜品
*** *** *** *** *** *** *** ***
貝柱清湯 - 濃縮左滿滿貝殼類既味道，清甜鮮美，記得我走蔥加分😂
北海道共和町產雷電蜜瓜 配蕨餅 - 蜜瓜比起平時食既冇咁甜，偏向爽同清甜，對飽到上心口既胃部非常友好。
*** *** *** *** *** *** *** ***
後記：
前前後後加21道料理，飽到痴線。但同場有位唔夠飽，師傅即刻整多個手卷俾佢😂
*** *** *** *** *** *** *** ***
最後既最後，多謝朋友仔🥰🥰🥰🥰開心開心
張貼
