極尚大喜屋 (鱷魚恤中心)

營業中

休息中

🥢好耐無食放題，成日心思思想去食，每次食親都會揀大喜屋，因為食物既水準有保證🤭🔸刺身種類好多，超過十種：三文魚、呑拿魚、油甘魚、赤蝦、甜蝦、希靈魚、北寄貝、赤貝 、帶子等等，每樣刺身都好新鮮同厚切🔸創作料理除左壽司同手卷之外，仲有啲創作料理，細細粒賣相同味都唔錯，唔怕食幾件就飽哂🔸串燒有燒雞翼、牛舌、羊架、翠玉瓜、燒菠蘿，全部串燒都唔錯，羊架唔會好重羶味，菠蘿好甜好多汁🤤🔸燒物西京燒比目魚、燒鯖魚、魚干、燒物方面推介蒜蓉粉絲帆立貝，蒜蓉味香濃，帆立貝好大粒🔸天婦羅。炸物蝦、南瓜、蟹棒、甜薯，炸粉唔會好厚，脆卜卜，仲有我最愛既芝麻雞翼🔸一品料理估唔到放題都有花膠同乳鴿食🙈味道有驚喜，乳鴿同平時出面食到既差唔多味🔸自助區出面有凍海鮮、熟食，湯，糖水、前菜、生果可以揀，總有一樣岩你口味🔸飲品除左啤酒，汽水，仲有自家製冷泡茶，同清酒，梅酒可以揀，想飲凍又得熱又得🔸甜品多種雪糕雪條可以揀，仲有自家製甜品🌟用餐時間兩個鐘，上菜速度好快，同無漏單情況，所以時間都好充足整體推介指數：🌕🌕🌕🌕🌗