Gyutan Toku牛舌專門店

營業中

休息中

講開食牛舌可能大家會覺得係深水埗、旺角、尖沙咀或銅鑼灣等旺區，其實土瓜灣呢間牛舌專門店都幾出色，唔係住係土瓜灣嘅朋友介紹都唔知，食落咦又真係幾唔錯呀🌟極上牛舌定食 1倍 $178🌟定食有前菜、沙律、麵豉湯、主菜及菜碗蒸，非常豐富。定食可以依照自己食量選擇唔同份量嘅牛舌，今次試下1倍。牛舌燒得焦香，食落都頗為軟身及嫩口，明顯見到外焦內粉嫩，食落有牛汁又香口。又可以加wasabi或豉油試下，個人就推薦落少少鹽食個牛味仲為之突出。而茶碗蒸內有香菇及蟹柳等材料，蛋蒸得都算幾滑及鮮甜，用嚟作結都幾唔錯🌟滑蛋牛舌丼 （期間限定）$168🌟滑蛋炒得唔會太老或太生，仲有少少蛋液。而且俾埋隻日本蛋黃你撈埋嚟食，個蛋味仲突出左。牛舌係用左牛舌芯，食落軟滑同易入口，加埋滑蛋拎嚟送飯真係幾正呀🌟味淋魚干 $68🌟即係雞泡魚干，因為有味淋關係所以食落有少少甜，作為送酒小食一流🌟土佐豆腐 $68🌟豆腐外皮炸得幾香，食落內裡亦都幾軟滑，點埋鰹魚汁食都幾開胃