阿木台灣麵 (豉油街) (已搬遷) 新店位置

假日行下MK順便食飯，想食台灣菜，想起阿木台灣麵，想食好耐但成日都就唔到時間，趁今次去試下，大約7:00去到，假日晚飯時間要等位，都幾多人，15分鐘到有3位。餐廳面積頗細，木系設計，坐位密密麻麻有點侷促。紅燒牛肉麵，$76，湯底鹹中帶微甜，味道濃郁，麵條爽彈，牛肉份量適中，牛肉口感軟嫩，濃香鮮甜，味道不俗。台式炸大腸，$49，需時15分鐘，耐心等待，炸大腸口感外脆內軟有嚼勁，味道香口惹味。珍珠奶茶(凍)，跟餐+$15，要了微糖，少冰，奶茶口感順滑，茶同奶味平均，珍珠煙韌，爽。食物味道不俗，價格合理。