Boaz House

營業中

休息中

餐廳牆身放滿暖色系嘅花朵，感覺好溫暖，仲可以做打卡點。同時餐廳亦包含咗一啲宗教主題，例如菜式名，餐廳嘅擺設，都有宗教特色，好特別。紅菜頭湯紅菜頭湯甜甜地，無落味精，湯入面仲有切碎咗嘅紅菜頭，邊飲湯仲可以食到蔬菜。前菜芝麻醬雞絲沙律水耕沙律菜好爽脆撈埋雞絲加左啲厚實既口感，再加上芝麻醬同香料，味道酸酸地，好開胃。主菜香酥彼得魚彼得魚外皮香脆，魚肉軟熟嫩滑，兩者一齊食，軟硬兼施，一匙一匙食唔停口！水波蛋沙克舒卡牛肉中東米飯長條型既中東米飯要依靠配料醬汁既味道先好食，廚師整左酸酸甜甜嘅茄汁醬配埋碎牛肉，再加水波蛋嘅蛋汁，整體撈埋一齊好好食。甜品地中海酥脆香蕉炸香蕉外皮好脆，香蕉好甜，上面再加啲開心果碎加啲口感，好好味。自家製石榴雪糕石榴雪糕甜味剛剛好。同時，呢個雪糕好特別，係唔凍的，好易入口，可以配埋石榴粒一齊食，甜甜地酸酸地。飲品蘋果蘆薈冰茶外觀打卡一流，味道亦唔錯，蘆薈增加咬感，蘋果汁再加少少薄荷味，感覺好新鮮。以色列傳統～鮮薄荷檸檬汁成杯係綠色嘅薄荷葉整出嚟嘅汁，再加幾滴檸檬汁，好特別的味道。