極尚大喜屋 (鱷魚恤中心)

營業中

休息中

今次食放題有幾款特別推介，大家去到都一定要點嚟試吓。〈櫻花蝦沙律多士〉多士即係好香口卜卜趣嘅蒜蓉麵包脆，同上面嘅沙律好夾，甜甜地咁，令人想一啖接一啖咁食。〈燒羊架〉估唔到食放題都可以有咁好嘅質素，羊肉唔會燒到好硬，好有羊臊味，啖啖肉咁，正！〈酒浸鮑魚〉連鮑魚都有得食嘅放題，點會唔係物超所值呢，龍龍嘅酒香同鮑魚嘅味道好夾，鮑魚大大隻，都要食四五啖先食得晒呀！〈雪花牛肉鍋〉食放題都會想食啲暖笠笠嘅嘢，所以就點咗呢個牛肉鍋試吓，牛肉份量都唔少，而且係我最鍾意嘅壽喜燒湯底，真係令人食得好滿足！