影片
更多
2022-12-28
668 瀏覽
【尖沙咀】古琴雅苑原先去15樓古琴雅苑，不過由於我冇訂位，餐廳職員帶咗我去下層同集團嘅一間日本餐廳度用餐。環境同15樓相比更寧靜，餐枱之間距離都比較闊，可以話因禍得福🤣（如果想享受中菜館嘅環境記住要訂枱啦😉）✨烤北京填鴨（半） $195呢度嘅烤鴨切出嚟比較多肉，想主打食皮嘅可能要諗諗😗。肉質頗嫩，鴨皮烤得夠香脆。另外仲比多咗一碟仔烤鴨皮，配埋青瓜、哈密瓜、京葱同醬用荷葉餅包住食，非常滿足。烤鴨嗌咗半隻，夠2至3人食。👉🏻裝荷葉餅嘅蒸籠最好留住個蓋保持溫度，因為荷葉餅好容易變凍，凍咗又唔好食。✨南翔小籠包 （6件）$78記得記得要趁熱食！肉汁頗多，外皮略嫌厚，不過而家市面上好難搵到皮薄嘅小籠包，以價錢嚟講合格👍🏻✨蟹粉蓋飯 $198原本冇乜期待，純粹想嗌個飯飽肚，點知又幾好食喎！蟹粉鋪滿成個飯，食到一條條嘅蟹肉絲，加上炒飯夠乾身，整體滿意。✨古琴雅苑📍尖沙咀北京道12A號太子集團中心15樓
原先去15樓古琴雅苑，不過由於我冇訂位，餐廳職員帶咗我去下層同集團嘅一間日本餐廳度用餐。環境同15樓相比更寧靜，餐枱之間距離都比較闊，可以話因禍得福🤣（如果想享受中菜館嘅環境記住要訂枱啦😉）
✨烤北京填鴨（半） $195
呢度嘅烤鴨切出嚟比較多肉，想主打食皮嘅可能要諗諗😗。肉質頗嫩，鴨皮烤得夠香脆。
9 瀏覽
0 讚好
0 留言
另外仲比多咗一碟仔烤鴨皮，配埋青瓜、哈密瓜、京葱同醬用荷葉餅包住食，非常滿足。
烤鴨嗌咗半隻，夠2至3人食。
👉🏻裝荷葉餅嘅蒸籠最好留住個蓋保持溫度，因為荷葉餅好容易變凍，凍咗又唔好食。
✨南翔小籠包 （6件）$78
記得記得要趁熱食！肉汁頗多，外皮略嫌厚，不過而家市面上好難搵到皮薄嘅小籠包，以價錢嚟講合格👍🏻
4 瀏覽
0 讚好
0 留言
✨蟹粉蓋飯 $198
原本冇乜期待，純粹想嗌個飯飽肚，點知又幾好食喎！蟹粉鋪滿成個飯，食到一條條嘅蟹肉絲，加上炒飯夠乾身，整體滿意。
2 瀏覽
0 讚好
0 留言
✨古琴雅苑
📍尖沙咀北京道12A號太子集團中心15樓
張貼
