影片
更多
2019-09-26
404 瀏覽
一直都知道大埔墟街市有好多熟食檔，但就從來都冇去過，今日咁岩到附近探朋友，一於就去覓食啦!熟食中心位喺2樓，當日係平日既大概1, 2點，整層都人山人海，座位密密麻麻，熱情既檔主不斷向我地招手，本來以為個場地係好似food court咁，喺檔口買完野食就自己搵位坐低，但原來d座位已經係劃分好，坐定定就會人幫你落單同送野食過黎。 (無知既我地一開始坐錯左去其他舖頭lol)我地上網望過下食評，最後揀定左呢間出名既豬扒既上海麵店，環顧周圍既食客，十有八九都係食豬扒粗麵，果然係招牌菜，呢度食物選擇不多，值得一讚既係雙拼唔洗加錢，一律38蚊，最後朋友嗌左豬扒雞翼粗麵，而我就嗌左豬扒雲吞幼麵，經過漫長既等待 (近20分鐘!)，食物終於上枱，真心建議趕時間既人要諗清楚喇。講返食物，豬扒大大塊，算簿身，外表睇落好似乾乾地但食落係有汁既，而且有適量既肥膏，即叫即做真係唔同d，提醒一下，要襯熱食丫。雙拼既雞翼有2雙，肥美多肉，同樣係剛炸起，水準之作。雙拼既雲吞有4隻，一口size，相對普通，不過不失。粗麵我地就有d失望，本身諗住佢係偏硬身既麵質，但係食落無論味道同質感都似粉仔，同埋偏淋，湯底味道亦不足，我加
熟食中心位喺2樓，當日係平日既大概1, 2點，整層都人山人海，座位密密麻麻，熱情既檔主不斷向我地招手，本來以為個場地係好似food court咁，喺檔口買完野食就自己搵位坐低，但原來d座位已經係劃分好，坐定定就會人幫你落單同送野食過黎。 (無知既我地一開始坐錯左去其他舖頭lol)
我地上網望過下食評，最後揀定左呢間出名既豬扒既上海麵店，環顧周圍既食客，十有八九都係食豬扒粗麵，果然係招牌菜，呢度食物選擇不多，值得一讚既係雙拼唔洗加錢，一律38蚊，最後朋友嗌左豬扒雞翼粗麵，而我就嗌左豬扒雲吞幼麵，經過漫長既等待 (近20分鐘!)，食物終於上枱，真心建議趕時間既人要諗清楚喇。
講返食物，豬扒大大塊，算簿身，外表睇落好似乾乾地但食落係有汁既，而且有適量既肥膏，即叫即做真係唔同d，提醒一下，要襯熱食丫。雙拼既雞翼有2雙，肥美多肉，同樣係剛炸起，水準之作。雙拼既雲吞有4隻，一口size，相對普通，不過不失。粗麵我地就有d失望，本身諗住佢係偏硬身既麵質，但係食落無論味道同質感都似粉仔，同埋偏淋，湯底味道亦不足，我加左d佢放喺枱面既辣油，落少少已經好夠辣，至於幼麵只係一般既鹼水麵，本身冇期望所以覺得係合格既。
總結! 我同朋友應該就唔會encore啦，唔係因為味道唔好，而係等待時間實在太長，計落覺得唔係太值，我會推薦豬扒炸醬俾想試下呢間餐廳既大家，雖然我冇試過佢個炸醬，但見到隔離搭枱妹妹食既炸醬好似幾滋味，相信會冇左湯底太淡既問題。
張貼
