露面手工拌麵料理

營業中

休息中

今晚要返學🎒，放工即刻去搵食。lunch time 係fb睇到有人介紹呢間既白布麵，近近地試一試！因為時間尚早，入到去只有幾個人，睇完餐牌，都係決定試”嫩雞白布闊麵”！一上枱比相像中大碗。湯色嫩白但帶點油，白菜仔同嫩雞份量合理。嫩雞幾滑，白菜🥬都鮮嫩。我以為白布麵已經係一片片，但我發覺有d係摺埋，一咬落去好似食緊雲吞皮，好厚身。之後我就遂片遂片攤返開去食，因為好大片，夾夾下其實d手指已經好攰。😅 總結可以一試，味道不算特別出色，食清d既選擇！