又係返學前搵食，最近‘堅信號’係公司附近開左，近近地就試下啦！ 放工仲有下午茶，揀左我最愛擔擔麵配生煎包再配蜂蜜綠茶 💰$43 擔擔麵+ $16 生煎包 以前係深水埗舊鋪間唔時會食，但今次食退步了，色澤上可以，但少左份香濃味道，麵質亦過淋。 生煎包還保持到水準，但唔知係咪煎定，食既時間唔夠熱！ 最後配蜂蜜綠茶反而有驚喜，味道唔錯喎😅 總結：位置近地鐵站出口、室內環境可以、食物水準一般，下午茶價錢合理、一試無妨啦！

今日陪媽咪去市廣場配眼鏡，順道食埋晚飯！天氣涼涼地，大家都想食火鍋，諗起之前朋友介紹過”牛摩”就去試試！ 睇完餐牌，揀左💰$239 美國IBP牛板腱餐 原來平日夜晚7點前入坐仲減$10😬 先點牛板腱及牛肩胛 兩款脂肪比例平均，牛肉味濃。牛板腱肉質較結實，牛肩胛較嫩口 再來牛舌及豚肉 牛舌富有嚼勁，媽咪都話正 豚肉有驚喜，肉嫩帶甜 除左餐入面主食任點，出面仲有好多食物可以任拎，種類仲好多 有蔬菜、丸類、瓜類 菇類、麵食 大量款式飲品 醬料區乾淨、企理 試左幾款丸、粟米🌽、菜、響鈴 薯粉、九菜、腐皮、蓮藕、翠玉瓜、菇 仲有甜品區架 小朋友至愛爆谷、雪糕 我地試左泡夫、日式菓子 總結：地點方便，環境舒適，抽氣很好，難得無論配菜區、甜品區、飲品區或醬料區都保持乾淨企理、員工在上菜或收碟亦跟得很足，食物新鮮。這個任食價錢絕對值得一試！

朋友聚會，大家都想坐得舒服慢慢傾，‘國金軒’地點就腳，食物出色，係我不二之選。 今次坐房，空間感很大 💰$108 七味脆豆腐粒 先來個小食，外邊脆口，入面豆腐嫩口 💰$308 蜜餞本地黑豚叉燒 必點之選一，叉燒厚切又鬆化，配上蜜餞加上燶邊，口感一流！ 必點之選二 💰$1088 片皮鴨二食 片皮鴨脹卜卜，皮很脆，配菜很足 二食：生菜包鴨崧 💰$168 溫室青瓜柚子醋紅海蜇 💰$398 當紅炸子雞(半隻) 💰$268 杞子蟲草花百合鮮蔬 💰$398 貴妃湯脆米龍皇泡絲苗 必點之選三，我至最濃濃海鮮湯底，配上脆脆米，口感很特別！ 💰$88/4 棗皇糕 💰$98 薑汁黑糖木桶豆腐花 (兩位用) 💰$98 生磨蛋白杏仁茶湯丸 總結：位置方便，坐位舒適，空間感足。食物依舊有水準，價錢合理！

呢間已經bookmark左好耐，每次經過都覺得很有外國小店感覺。今次同朋友慶祝生日就黎試試！ 一入店鋪細細，氣氛感覺唔錯。但可能門口兩張大枱食客情緒高漲，有點嘈。 我地安排坐中間既枱，但無預計枱與枱只有10cm距離，朋友坐入去時還需要拉出枱才可以坐到。😮‍💨 門口餐牌 先送來暖暖麵包 💰$110 法式洋蔥湯 (Classic Onion Soup) 香濃有甜味，洋蔥夠多 💰$280 法國油封鴨腿 (Duck Leg Confit) 應該係先炆再煎，皮唔係脆個種，但肉入味好淋，薯仔粒墊底。 💰$290 龍蝦扁意粉 (Lobster Pasta) 有點失色，龍蝦肉只有小小三件，味道平平 💰$140 瑪德蓮蛋糕配朱古力雪糕 (Madeleines signature) Book枱remark左慶祝生日 員工都識做自動點蠟燭同寫HB 但件蛋糕真係無咩特別😅 總結：位置近地鐵站，易搵。環境吸引，但坐位與隔離太近，無私人空間。可能較適合朋友聚會。食物正常，分量偏細，價錢對我來說偏貴。試過就夠！😝

上次去完淺水灣，覺得確實放假relax既好地方。今日天氣好所以又黎chill下！今次揀左人氣餐廳 “Parabolica Cafe” 入面自然光足，空間感大，坐位很寬敞，我地安排左坐bar枱！ welcome soup 有點驚喜 做型吸引，粟米湯香濃 $258 Wagyu Beef Cheek Bourguignon 和牛很淋、醬汁配上薯蓉很夾 可惜整碟餸只是微暖 $108 carnival tart 店員介紹完甜品，最後試了這款 由上至下 提子果凍 Cream 糖漬大黃 西柚 撻皮 感覺很新鮮，因外面無試過這種配搭， 酸酸甜甜的！ $60 Latte 拉花很美，味道偏香濃 總結：淺水灣這個地點確是假期選擇之一，餐廳舒適、寬落。食物可以，價錢偏貴。偶爾一試也可！

朋友最近搬左黎南昌，今晚約左食飯，佢推介”漁釧”。位置極方便，南昌站C出口一入商場已經見到！ 等緊朋友既時候，見到門口餐牌優惠好吸引🤩 入到去坐位好闊落，我地二人坐大張卡位，佈置日式料理風格。 餐牌款式很多選擇，最後點了！ 💰$145 香芒大蝦卷 外層香芒香甜，大蝦炸得香脆，大大嚿好滿足！ 💰$106 海蝦天婦羅烏冬 兩件海蝦、冬菇、青椒、茄子 炸粉薄薄一層，熱辣辣上枱，放一陣食更香脆，稻庭烏冬彈牙又大碗！ 💰$129 美人鍋 (半價優惠) 呢個要推薦，無預計咁大鍋，仲要好足料 成十件大雞件、豆腐、冬菇、紅蘿蔔、大量蔬菜，湯底鮮甜。仲要半價優惠，好抵食！😗 追加串燒 💰$15 秋葵、💰$20 鹽燒黑豚腩 總結：位置極方便，日式裝飾內裏很舒適，食物有質素，價錢合理，值得推介👍🏻

今日朋友約我去西營盤食lunch，位置非常方便地鐵站B出口一出就見到。 入面有高枱、sofa枱，播住輕鬆音樂，感覺寫意！ 假期都有Set lunch，QR Code落單，有個餐具corner。 💰$68 火腿炒蛋漢堡包 一黎到，無諗到分量咁大，d餡料已經full晒出黎。😯 麵包烘得香脆，夾住煎過既火腿、炒蛋、芝士、生菜，加埋醬汁，真係好滿足！ 💰$92 香蒜橄欖油扁意粉🍝 食素的話，值得推介，意粉用橄欖油炒得很香，入面有松子、蘆筍、蒜片、雜菇！ 💰加配$18炒雜菌同$28薯條 💰$108 抹茶紅豆窩夫配雪糕 窩夫面很脆，配上紅豆、抹茶雪糕，抹茶醬極濃郁，但小丸子就比較硬。 💰$40 Latte 拉花很美，咖啡香濃 總結：位置極方便，食物質素中上，價錢合理無加一，值得一試！👍🏻

之前經過見到‘老厝邊’門面已經很吸引，今日去開荃灣搵朋友，梗係試一試啦！ 可能時間尚早不用等位，入到去原來有上層，入面感覺舒適又帶點台風！ 💰$40 芝士肉鬆蛋餅 推介，蛋皮好脆，餡料十足👍🏻 💰$24 燙青菜 青菜好足料，還配大量醬汁😀 💰$69 紅燒牛肉麵 湯底濃郁，牛肉夠多又夠淋，跟酸菜、蘿蔔 💰$39 鹹酥雞 好香脆，啖啖肉，正👍🏻 總結位置荃灣廣場對面易搵，價錢合理無加一，食物款式多、質素不錯。推介👍🏻

又到返學前搵食，今日係灣仔行去銅鑼灣途中見到 “棋哥燒鵝”，見下午茶唔算多人、價錢又合理就試試啦！ 雖然燒鵝出名，但我叫左叉燒蛋飯😅 賣相唔錯喎！🤓 叉燒夠淋，太陽蛋煎得好靚，飯都分明 走左汁，我最怕食‘爛’飯 整體滿意，下午茶時間坐得舒服，食物中上👍🏻

好耐無去過淺水灣，襯今日放假又好天入去行下。太耐無黎既關係，多左好多有質素既餐廳。最後揀左間少人d既 “Fratelli” 內在環境舒適，開放式門口感覺空間感較大 點完餐，先送上麵包🥯，配上醋同橄欖油，最佳配搭 💰$60 椰青係夏天解渴之選😌 💰$180 Mussels 青口大大隻，用白酒、番茄、蒜同辣椒醬汁 💰$160 Tagliatelle Bolognese🍝 肉醬份量多，足夠令寬條麵掛上醬汁 這個兩個人下午茶價錢，放假節奏、陽光、海灘、美食，很寫意！ 總結餐廳光猛開陽，食物正常，價錢中上，去淺水灣可以一試！