柴夫人魚館

營業中

休息中

餐廳位置方便，地鐵站一出只需要行幾分鐘就到。餐廳唔算大，大概有8張枱，但唔會覺得迫陜。餐廳播放著輕鬆音樂，坐得舒服。餐牌食物主要係一窩窩唔同口味嘅豆花魚，港式煲仔飯或者係一碗碗魚米線，仲有小食同配菜。招牌香辣豆花魚顧名思義，主角係豆花同魚，配角係香辣湯底和入面嘅大豆芽，薯仔片同脆豆等，味道愈煮愈濃烈。豆花賣相似糊仔，沒有豆腐花嘅鬆散，但又比一磚磚豆腐更能吸收湯嘅精華，加上豆香，相當唔錯。生魚片嫰滑，但帶有幼骨，要小心進食先得。另外點了牛肉片和肥腸。份量唔算少，牛肉片似調味過，肥腸切得細細的，食得容易，而且有咬口。小酥肉份量大大碟，炸得鬆脆，夠香口。爆漿糍粑糍粑好QQ, 有年糕嘅口感。重點黎啦，一咬開，流心紅糖漿即刻湧出黎，甜度啱啱好，非常好食。食哂一碟都唔會覺得太漏，正。自磨豆漿豆漿豆香味唔錯，$6一杯， 好抵呀。仲有任食雪糕，甜品結尾，真係好滿足呀。