醉鍋 (V Point)

營業中

休息中

天氣突然凍左咁多， 哽係打邊爐嘅時間啦。 今晚二人行去左銅鑼灣醉鍋打邊爐。招牌特色五格鍋 包括木瓜鍋， 蕃茄波士頓龍蝦鍋，清湯蘿蔔牛腩， 四川麻辣鍋，馬來肉骨茶鍋。 個人最鍾意肉骨茶湯， 香濃藥材味， 當湯飲都得。 四川麻辣鍋就越食越辣， 香辣味都出眾。頂級安格斯牛小排-牛味濃， 肉脂分布均勻， 入口濃濃牛肉味。 試哂5格滾牛肉， 最出味係有酒嘅木瓜鍋。黑松露蝦蟹餃-黑松露味好濃好香， 材料充足。手打芝士蝦丸-蝦丸爽滑彈牙， 中間嘅流心芝士非常出色。三色鮮制生麵-墨汁，甘荀， 菠茶， 墨汁味道夠濃， 菠菜味好有菜味， 打邊爐比較少叫飽肚野， 但呢三款麵正。