後宮 (已結業)

呢間餐廳裝修有氣派，整潔乾淨，有獨立房間包廂俾一大班朋友聚會，亦有ktv設備可以邊食邊唱。首先，我點咗佢哋嘅招牌「海南椰子文昌雞窩」，湯底上咗之後，倒入新鮮即開嘅椰青，清甜嘅椰青水令湯底昇華咗，再放入新鮮雞件煮熟。職員會幫我地計時，完全不用擔心。首先第一啖一定係飲吓雞湯先，呢個時候係最原汁原味，之後再食一口雞件，雞肉入口嫩滑，雞味濃厚，吸收咗湯汁嘅精華，清香四溢🍗。接著，「美國prime牛小排」上枱，牛肉每片都夠厚實，煮完後仍然多汁肥美，油脂豐富，而且份曬頗多🥩。而「鮮蝦丸」亦都十分推薦，丸子鮮嫩有彈性，蝦味鮮美。每一口都咬得到整顆鮮蝦，真係令人驚艷。搭配啲特製醬汁，更加突顯丸子嘅鮮味，簡直係味蕾嘅享受之選🍤。