永年士多港式車仔麵 (加拿分道)

營業中

休息中

不嬲都好鍾意食車仔麵，呢一間喺香港立左多年嘅車仔麵，係我心目中嘅top 5，尖沙咀店地點幾方便，成日行完The One就順便過去食。.通常偷懶鍾意直接叫佢地配搭好嘅，今次叫嘅大碗麵材料就非常豐富，例如有紅腸、雞翼、雞翼尖、豬腸、魚蛋、蘿蔔、豬皮、豬紅、魷魚全部都有齊晒。.最鍾意嘅就係佢哋嘅濃郁豬腸，夠滑夠脂香。雞翼都好入味，魚蛋緊實彈牙。仲有一個個人好鍾意嘅食法，就係將通菜撈落麵底，當通菜索咗香香甜甜嘅湯底，令本身唔鍾意食菜嘅我，都變得鍾意食，好正。.鍾意食辣嘅話可以試埋佢哋嘅麻辣豬耳，口感爽脆，而且辣得好爽，最後再飲番啖凍檸茶就冰涼透心。除咗凍檸茶之外今次試咗佢嘅🍵抹茶紅豆冰都覺得好唔錯，抹茶濃郁，紅豆香甜，兩隻溝埋一齊之後，甜度啱啱好，夏天飲凍冰冰又甜嘅飲品，感覺尤其幸福。