永年士多港式車仔麵 (加拿分道)

營業中

休息中

之前食過好幾間永年分店，不過好耐冇食尖沙咀呢間分店嚕，經過想快就揀佢啦。入到去用自助機落單，部機load得好慢😓叫咗大碗麵套餐（$76）另加一餸豬手（$18）飲品加錢要咗紅豆奶茶冰（+$15）大碗麵要咗幼麵，有10餸（豬腸，魚蛋，蘿蔔，豬紅，豬皮，雞翼，雞翼尖，魷魚，紅腸，菜）呢碗要咗清湯走辣，多豬腸汁，每個餸水準發揮正常，唯獨要彈係魷魚唔夠味，似白烚。另外加$18嘅豬手，得兩舊，香港地食碗麵真係唔平，加埋杯紅豆奶茶冰，已經要$109紅豆奶茶冰，味道好夾，甜度啱啱好另外一碗要咗三餸麵，米粉($48)餸要咗魚蛋，酸齋（+$2）牛筋(+$4)=$54呢碗要咗中辣，鍾意食辣嘅我覺得永年嘅辣真係好惹味魚蛋係陳皮魚蛋，細細粒彈牙，魚蛋同酸齋相信都係固定數量 但係牛筋真係少得可憐，加錢要嘅牛筋得三小嚿😓不過永年有個好處，就係每間分店個味道都一樣，相對嚟講比較穩定，不過餸嘅份量我諗真係要調節下是次消費， $163 / 2人

在這個寒冷的12月31日，我來到一間受歡迎的食車，品嚐他們的招牌車仔麵。這碗麵色澤金黃，湯底清澈，散發出濃郁的香氣，讓人垂涎欲滴。麵條的質地彈牙，煮得剛好，不會太軟或太硬。搭配的配料非常豐富，我選擇了豬腸、牛腩、魚蛋和青菜，讓整碗麵更加多樣化。豬腸的口感滑嫩，牛腩則相當入味，肉質軟嫩，吃上一口就令人滿足。魚蛋的Q彈口感也為這碗麵增添了不少層次感。湯底是這碗車仔麵的精華，清淡卻不失味道，讓人感受到食材的新鮮。每一口都充滿了濃郁的肉香，讓人不禁想要再來一碗。青菜的清脆口感也增添了整體的平衡，讓這碗麵不會過於油膩。總的來說，這碗車仔麵不僅滿足了我對美食的追求，還為我的新年倒數增添了不少色彩。在這個特別的日子裡，能夠享受到這樣一碗美味的車仔麵，實在是無上的幸福。希望來年能繼續在這裡品嚐到更多的美食！

每年31/12 6-8pm 永年士多都有$1 小寶麵優惠。今年排了半小時左右，第一round 食到既顧客😝小寶麵的麵條選擇了米粉，偏林身不太爽口彈牙，但口感滑順。湯頭鮮美濃郁而不油膩，明顯見到一點點既蒜粒，加上麻油，十分惹味。$1都份量十足，絕不欺場，性價比非常高高。有彈牙既陳皮魚旦、爽滑既豬紅同不太肥膩既豬腸。店內環境尚可，可能係第一round客人入座，樓面服務人員安排坐位有不當，不過都有安排補救方案。

今日第一次食永年,  , 叫O左豬皮魚餃麪, 一開盒, 睇下D餸齊唔齊, 先知豬皮而家咁貴, 只係得3 塊比手指尾第一節更細O既豬皮.體驗唔錯, 以後可以諗少間餐廳.                                                    

今日約咗friend去The ONE睇戲，睇戲之前諗住是但食啲嘢見到依間車仔麵，喺正The One對面所以入咗去食。分別叫咗個大碗麵，多士，燒賣，蠔油菜心，同埋自選車仔麵。先講吓個多士，個多士軟硬啱啱好，個醬汁唔肥膩，簡單好味。之後燒賣係我從來未食過嘅味道，食個燒賣第一口係好普通完全正常嘅味道冇乜嘢咁樣，但之後來了原來個燒賣係辣㗎，辣嗰陣味湧上嚟得非常之過癮，辣到不能自拔，食得辣嘅人一定覺得好正一定要叫呢個燒賣。之後嗌咗個大碗麵，個大碗咩都有唔需要其他餸，飽到飛街，掂過碌蔗。自選面嗰個最主要嗌咗牛筋、牛柏葉，牛筋非常彈口，口感一流，牛柏葉十分好食，食得出佢經過好多重功夫去處理。最好係上菜快手，嗱嗱臨食完嗱嗱臨去睇戲啱啱好時間，呢間值得推介。#永年士多

見到有人話30分鐘即比人趕走，我今日破紀錄！一坐低落完單，㩒緊電話等叫Number拎嘢食，過咗一陣已經有員工行埋嚟問：叫咗嘢食未？落咗單未？幾多號Number？好似驚人入嚟齋坐咁😅然後個員工見你食到差唔多，就企喺隔離等你食完最後一啖，即刻收走隻碗，然後同你講「出面仲有人等緊」趕你走😉一句唔好意思都冇，想做生意都唔係咁樣趕客掛？睇返落單時間到比人趕出門口，成個過程係25分鐘，唔知以為坐咗2個鐘😂食碗麵都食到一肚氣，見到唔止一個人留言話有同樣嘅情況，就知依間店有幾鍾意趕客，唔會有下次。

食過尖沙咀永年好多次 未見過好似今日呢兩位樓面哥哥咁積極友善嘅侍應兩位都係中年叔叔 一個係白頭戴眼鏡 另一位束小辮/計一眼關七照顧客人 教大家電子點餐、付款 幫搵唔到位嘅客搵位有一家三口未搵到四人檯 都會搵個位比小朋友 安頓佢先如果多啲餐廳有咁helpful嘅員工 大家都會食得開心啲～～

成日食lunch都諗起永年既車仔麵最鍾意食佢豬紅😍😍甜甜地好入味蘿蔔都勁 炆得勁淋 食落又唔會有渣鳳爪都軟林林 夠晒入味永年車仔麵嘅餸都俾得好足湯底又好飲 辣辣地好惹味

好耐未食過車仔麵，就會諗起呢個品牌。之前喺其他分店食過，今次就去試吓尖沙咀呢一間本身都知道要排長龍，所以早上12點前就到。還可以，沒有長隊。選擇了自選配搭。我食車仔麵，當然要食佢蘿蔔。果然不失所望，好嫩好甜。牛筋好入味，夠腍。魚蛋比較實，但份量不少，起碼有五六粒。整體來說，餸嘅份量真的不少。就算三餸都夠飽。不得不提個湯底，都夠濃但係會好鹹。整體性都不失所望。食完由於已經踏入午市高峰期，職員不停想收食完嘅碗碟，所以有點兒趕。

這裏是車仔麵的老字號了！味道一如既往的好！五餸車仔麵（中辣）：中等的辣度，既不會太刺激也不會平淡無奇。鮑魚的鮮味與豬腸的香氣完美融合，豬腸煮得恰到好處，口感爽脆而不膩。配料的選擇和質量讓這碗麵吃起來十分滿足，中辣辣度適中，但又不會蓋過食材本身的味道。豬皮魚蛋車仔麵（走麵菜底）：選擇走麵的菜底，讓整碗麵變得更清爽。豬皮煲得恰到好處，Q彈有嚼勁，魚蛋則是鮮嫩可口，兩種配料的搭配相得益彰。沒有麵條的加入，依然保持了車仔麵的精髓，豬腸汁很香，尤其是豬皮，吸滿了湯汁，每一口都是層次分明的美味。永年士多的車仔麵在傳統與口味之間找到了很好的平衡點，能讓人回味無窮。對於喜愛香港街頭小吃的食客，這裡絕對是一個不容錯過的選擇。

之前食過好幾次，都未試過呢款蔥油豬腸👇🏼第一次食呢個配搭，又幾夾喎！蔥油勁香，豬腸好入味，好好食😋另外叫咗3餸車仔麵➡️韭菜花、蘿蔔、豬紅蘿蔔食開，入味夠腍又無渣，豬紅正常味道和口感好食，但韭菜花偏硬，不是太喜歡😟

無諗過今時今日，仲會有食半個鍾就比人趕走，我仲要未食完，侍應就同我講，叫我食快啲，因為出邊有人等緊。天牙，由我落單，到我埋單，半個鐘都冇，會唔會過分咗啲？你有人等緊唔係我既錯牙，我都係想食餐飯姐，我仲要係食緊未食完，仲有1/3…..我明白做生意梗係會想做多幾轉，如果我食完，又死都唔走，你要求我走，我都明牙但係都唔係喺我都未食完，就迫個客人走，仲要只係食咗半個鐘都冇，會唔會太過分呢！無下次，我真係唔知點樣下下半小時內食完！

講到車仔面，不得不提香港既世一車仔面店，永年士多❤️雖然車仔面本來應該係平價食品但去到今時今日，所有野都可以出貴價系列💁而永年係車仔面黎講，絕不是平，但其質素卻是頂級❤️香港而家好多網紅車仔面，收費絕對不是平，而質素卻未必配得上價錢🙃而永年卻是令人心甘情願地埋單在多款配料中總有令你滿意的配菜，而味道口感佳✌️✳️大碗面 👍👍👍配菜種類十分多，雞翼雞翼尖豬紅豬皮紅腸，應有盡有😍而且十分清甜，唔會俾人唔乾淨或質素差既觀感👍而且配菜都十分入味，唔會得顏色而沒有相應的味道👍其麻辣醬汁亦是令人驚喜的，會上癮🥰🥰唯一缺點系地方較細，唔多位坐，較迫同冷氣不足食得太辣會汗流浹背😇

一講起車仔麵大家都會諗起永年士多既車仔麵，雖然佢價錢係貴少少，但係味道絕對係好食👍🏻👍🏻佢有好多種餸可以揀，如果大家有選擇困難症店舖都有數款車仔麵套餐，入面有各款招牌必食組合🤭另外仲有兒童餐入面有雞翼、蟹籽丸、貢丸、墨魚丸、芝士腸岩晒小朋友既口味，家長都唔洗煩幫小朋友諗揀咩餸啦～—————————————————————————————♦️自選三餸麵（微麻辣+豬紅+蘿蔔+酸齋+米粉）：之前食過一次麻辣湯底揀左小辣，但食過都真係覺得幾辣，所以今次特登揀微麻辣～不過我發覺微麻辣都有啲辣，可能下次要試下唔辣，不過其實佢個湯底係幾惹味唔差，只係辣左少少🥲餸方面蘿蔔好入味而且冇渣，豬紅同酸齋都正常👍🏻米粉今次特登叫左爽口啲♦️ 自選三餸麵(微咖哩辣+豬皮+魚皮餃+牛丸+米線)：同樣湯底叫左微辣但仲係有啲辣，不過咖哩味好香🙊豬皮夠爽口唔會腍啤啤，魚皮餃有少少似超市買既質素較腍，而牛丸似係手打牛丸，幾重牛味但唔臊🐮另外叫左蠔油菜心同埋凍檸茶，杯凍檸茶都幾大杯夠晒凍，茶底好香好飲😋評分🖍️(滿分為5個🌕)抵食指數：🌕🌕🌕🌕🌑服務質素：🌕🌕🌕🌕🌑環境：🌕🌕🌕🌕🌑味道：🌕🌕🌕🌕🌕

喺奧海城food court食過一次，覺得幾好食，今日經過尖沙咀原來都有分店，食車仔麵嘅餐廳嚟講，呢間真係好用心製作，而且裝修非常新穎,同傳統嘅車仔麵舖頭唔同,座位闊落唔算好迫，呢度最好係用QR code 電子化落單, 直接用手機結帳，我覺得非常之方便，難怪呢間比較多遊客竟然有我最鍾意嘅蒜油撈麵，同朋友每人叫咗三餸，再加碟生菜同咖喱三寶蒜油撈麵揀咗粗麵,麵條口感彈牙，撈麵有蒜油加麻辣汁,味道濃郁惹味，我就叫左墨魚春卷雞翼每樣兩件再加肥牛😋雞翼滷得軟腍，好入味推介黎食一定要試墨魚蝦卷幾好味爽口彈牙,另外就係必吃嘅咖喱三寶，有蘿蔔豬皮魚蛋，呢度啲蘿蔔真係好好味，多汁無渣重好甜仲有佢哋嘅樽仔奶茶都係一定要試，比較重奶味香濃幼滑👍🏻配樽仔奶茶+$17