永年士多港式車仔麵 (加拿分道)

永年士多係以前中學成日lunch都會食，因為係學校對面，今次第一次黎尖沙咀呢間分店食！上網睇到有推廣 $99 2人餐，包兩碗三餸車仔麵、兩款小食，仲包兩杯凍飲或熱飲，冇加一！今時今日平到咁真係唔敢相信😆而且份量十足🔥🔥🔥食完2人餐已經好飽！不過食完之際，睇到有$19 碗竹昇麵既廣告，太平忍唔住叫咗嚟試吓，嚟到真係有驚喜！碗麵有豬腸同蘿蔔，而且竹昇麵既份量亦十足，麵好彈牙！得閒路過都可以嚟試吓食！又平又正❤️…查看更多

喺尖沙咀行到腳都快磨穿，我同閨蜜突然好掛住嗰口地道港式車仔面，兩個幾乎同時爆出呢間店個名，真係心有靈犀到爆！果然旅遊區勁到爆！尖沙咀、旺角、銅鑼灣、佐敦隨便行，轉個彎就見到，全港13間分店真唔係講大話！一入店我直接俾餐牌個價錢嚇到眼都突埋——19蚊就可以食到兩餸竹升面！二話不說點咗豬腸蘿蔔竹升面，捧上枱嗰刻香味直衝鼻。豬腸好味，入口嫩到好似食布甸，輕輕一抿就化咗；蘿蔔炆得勁好，吸晒啲湯汁，咬開滿口鮮甜，連纖維都軟綿綿；竹升面更是靈魂，嚼落煙韌又彈牙，嗦起上嚟「嘶嘶聲」超解壓，裹住湯汁食勁入味！我哋仲貪心叫咗碗大碗面，上枱時真係睇呆咗——料多到快從碗裡瀉出來！豬腸嚼落QQ彈彈，一啲油膩感都冇；魚蛋夠實淨，豬紅滑到箸都夾唔穩，入口即化仲帶住清甜；豬皮吸飽濃湯，咬落「咯吱咯吱」，滿滿膠原蛋白；雞翼同雞翼尖鹵得超夠味，連骨縫都滲晒鹵香，啃完仲要吮下手指；魷魚鮮脆彈牙，嚼落有淡淡海鮮香；紅腸鹹香適中，真係好食到停唔到口！店裡環境都好加分，座位闊落，唔似啲老鋪逼到轉唔到身。我哋好彩坐到窗邊位，一邊嗦面一邊睇街上行人行車，陽光透過玻璃灑喺枱上，簡直舒服到痹。呢個性價比、呢個口感，下次我一定再幫襯！…查看更多

對上一次幫襯已經係大約五年前，今日路過見到定價比之前收斂咗，加上條街開始落雨，避雨同口痕互相驅使下入嚟排隊幫襯而家嘅營運模式已經見唔到邊啲送新鮮，就嗌邊樣，改成以營運效率為依歸嘅自助點餐機同qr code落單，損失了一個香港特色。餐廳內過半數客人都係講國語，播緊嘅係GEM因舖頭唔大，但每張座位上面都只有坐人同隔離放住喼+一袋二袋，所以個環境係相當逼夾同嘈吵。三豬麵套餐+雞翼 配凍檸茶：100%呈現港式味道，油麵底加上豬皮大腸豬紅，全具代表性產品設計相當高分， 三款配料都係記憶中嘅味道: 偏甜嘅豬紅、索湯嘅豬皮、夠腍夠味嘅豬大腸手多多加配咗嘅兩件滷雞中翼味道失色，滷水上唔到味。凍檸茶正常發揮，十成滿呈現。後記：食完之後成日想要飲水…查看更多

車仔麵｜$ 𝟓𝟏-𝟏𝟎𝟎⎻⎻⎻⎻⎻⎻[本文為全自費真實食評]⎯⎯⎯⎯⎯⎯⎯⎯⎯⎯⎯⎯⎯⎯🥘 餐點 🌕🌕🌕🌕🌑 𝟒.𝟎⎻⎻⎻⎻⎻⎻▻ 二人套餐 （兩碗四餸車仔麵｜油菜｜兩杯冷熱飲品) （𝗛𝗞𝗗𝟵𝟵)小編由細細個喺元朗總店食到大，見證住佢近年越開越多分店。味道都係𝐤𝐞𝐞𝐩到咁好食。蘿蔔清甜味道好出、豬紅坊間少見有蒜香味帶有甜味收結、滷水豬腸質感煙韌十分入味。湯式依舊藥膳湯加銷魂辣汁，回味無窮！⎻⎻⎻▻ 凍柚子檸水 (+𝗛𝗞𝗗𝟱)柚子味突出，但唔會死甜，或者飲到最後得個甜味。整體味道平衡，控制得幾好。⎻⎻⎻▻ 紅豆冰 （+𝗛𝗞𝗗𝟱)經典港式凍飲，簡單純樸。唔會帶俾你太大驚喜，但飲既就係經典香港味道。⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻👨‍🍳 服務 🌕🌕🌕 🌖🌑 𝟑.𝟖⎻⎻⎻⎻⎻⎻收銀姐姐盡責，確保每一位到店堂食都有位坐，唔會要你企喺度呆等。⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻📸 環境 🌕🌕🌕🌗🌑 𝟑.𝟓⎻⎻⎻⎻⎻⎻店面有裝修，一入門口就聞到好香滷水辣汁味道，令人食欲大開。不過座位非常狹窄，堂食會坐得有啲辛苦。⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻🪙 𝐂𝐏值 🌕🌕🌕🌕🌑 𝟒.𝟎⎻⎻⎻⎻⎻⎻車仔麵越加越貴，一碗三餸麵超過𝟔𝟎元都大有人在😮‍💨今次呢間$𝟏𝟎𝟎左右，可以食到兩碗四餸，仲有一碟油菜，都算𝐂𝐏值幾高。可以再訪！⎯⎯⎯⎯⎯⎯⎯⎯⎯⎯⎯⎯⎯⎯📍永年士多 (尖沙咀店)｜尖沙咀加拿分道𝟒𝟔號⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻#香港 #美食 #hongkong #hongkongfoodie #dailyfood #車仔麵 #豬紅 #蘿蔔 #辣 #親民美食 #noodles #深夜食堂 #打卡 #foodie #gourmetmapp #tsimshatsui ⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻⎻…查看更多

今日同媽媽嚟做facial, 做完揾食揀左簡單車仔麵！🥰瑞士汁雞髀** ($36) 巨型髀燜得入味，甜鹹瑞士汁滲透骨髓。肉質鬆化不黐牙，雞皮帶微黏膠質，手撕啖肉過癮，抵食之選。 自選車仔麵** ($48起) ▶ **微咖喱湯底**：辛香不嗆喉，咖喱韻襯托濃湯； ▶ **配料**：醬油流心蛋黃澄透心、豬紅滑嫩無渣、韭菜餃菜鮮皮薄； ▶ **菜底扣底**：油麥菜嫩綠量足，麵減半更平衡。 樽仔烏龍茶(凍)** ($18) 茶味甘醇不澀，凍飲消滯解濃味，配濃湯麵必點。 有營素米線** (走辣+白水底) 媽媽食素，好彩呢度可以揀白水底！素料新鮮，蘿蔔冬菇大大件！熱檸檬水暖胃解膩淨酸齋** ($18) 麵跟吸滿微酸甜汁，咬落爽脆不軟爛。酸度溫和醒胃，解膩一流，細碟份量剛好。 …查看更多

好耐冇食過永年喇～因成日大排長龍😀今次趁啲人食飯前黎食就好快有位😬😬一如既往食車仔麵再加班蘭咖央多士同signature 奶茶❤️車仔麵啲麵底而家仲可以轉菜底（定係其實可以轉左好耐🤣）冬菇、蘿蔔、雞翼 基本上係食車仔麵必點嘅冬菇超大粒又香冬菇味❤️ 雞翼醃得好入味又藍會老👍🏻四月嗰陣時仲有白桃多多 白桃多多係沙冰黎嘅🍧好香好好味😋益力多嘅味道都好突出 仲有一粒粒嘅白桃果肉係上面添🥰🥰班蘭咖央多士 想佢再落多啲班蘭咖央醬呀😛😛…查看更多

呢次去咗尖沙咀一間叫永年士多嘅車仔麵餐廳，環境雖然簡單，但充滿地道風味，食到正宗嘅香港車仔麵味道！🥰👋🏻班蘭咖央多士班蘭香同咖央嘅濃郁味道混搭得好好，多士煎得外脆內軟，抹上啲咖央醬💚😝樽仔奶茶茶味濃郁得來唔會太苦，奶香同茶香平衡得好，揸住樽仔飲真係有種懷舊feel😋麵食方面，佢哋有自選麵選擇，我試咗兩款♡第一款揀咗油面彈牙又滑溜，蛋黃流出嚟同麵混在一起超香濃！辣魚蛋加咗啲微辣，增添咗層次感，食落有驚喜又唔會太過油膩😆第二款揀咗河粉軟滑😗牛筋煮得軟腍入味，韭菜餃同魚腐加咗冬菇嘅清香🤤總結黎講，永年士多嘅車仔麵同小食真係質素高，味道豐富又唔貴，環境雖然簡單，但勝在快靚正😌…查看更多

好耐冇食過車仔麵，今次響鬧市裡面都搵到間專食車仔麵嘅舖頭先黎一個招牌麵，本身已經有最經典嘅菜式，豬腸，豬紅，蘿蔔，魚蛋，最surprise嘅係蘿蔔，好甜好好味又冇根，推廣，但係食得車仔麵梗係忍唔住會再加多啲唔同嘅嘢食啦，辣到可以揀咖喱辣或者麻辣，揀咗咖喱辣嘅微辣，但係都幾辣，唔係好食得辣嘅朋友唔建議加辣，去買杯紅豆冰簡直係最佳下午茶選擇小食再揀左牆上面poster推薦嘅街頭辣串串，就試左個牛柏葉正常辣同蠔油生菜另外再揀左個牛筋腩蝦籽撈麵，微咖喱辣，再配芝士竹輪，墨魚蝦卷，韮菜餃，食車仔麵最開心就係可以咁樣加加加，朋友鍾意食辣呢個撈麵d 醬汁就更惹味，配埋個樽仔烏龍茶（凍），茶味好濃郁，細細樽方便拎出去飲，不錯…查看更多

永年士多（港式車仔麵）一直係街坊熱捧之選，今次路過尖沙咀金禧花園，見仲有位就入去食咗碗牛筋滷水雞翼米線，唔講得笑，真係幾有驚喜。先講個湯底，唔係嗰啲齋味精湯，係認真有滷水香，入口溫潤唔鹹，配埋米線剛剛好吸到汁，唔會淋晒。牛筋炆到超腍，一啲都唔鞋，滲滿滷味，完全啱晒我呢種鍾意咬啖啖膠質口感嘅人。滷水雞翼亦係另一驚喜，夠味但唔會死鹹，肉質仲保持嫩滑，冇浸到乾柴。碗面上面堆滿晒菜心、芽菜、蘿蔔同埋蘿蔔尖，加埋少少辣醬更加惹味，視覺效果都好豐富。整體配搭實而不華，但用料新鮮，調味到位，有種地道老香港嘅感覺。環境方面係快餐風格，座位唔算多但輪位快，櫃枱姐姐動作快而有禮，感覺係熟客型街坊店。$xx一碗包晒料算係市區中性價比幾高，午餐一流。如果你鐘意食港式車仔麵，想試下啲有手工味道嘅滷味，呢間真係可以列入清單。尤其嗰舊牛筋，認真做到心。…查看更多

  在尖沙咀的這家永年士多港式車仔麵店，絕對是想品嚐地道車仔麵的首選。這裡的車仔麵選擇豐富，湯底鮮美，配料新鮮，價格親民，非常適合隨時來一碗暖胃的美食。  必試推薦：  蘿蔔豬紅豬腸米粉：湯底非常鮮香，蘿蔔切得恰到好處，搭配豬紅和豬腸，味道更加層次豐富。米粉吸收湯汁後口感特別滑順，帶有滿滿的地道感。 店內氛圍簡單而舒適，非常適合放鬆享受一碗傳統車仔麵。無論是作為工作日的輕食，還是與朋友小聚，都能給你帶來滿足感。…查看更多

在尖沙咀的繁忙街頭，這間永年士多的港式車仔麵店，堅持經典的傳統口味，對於喜歡地道香港味的食客來說，簡直是不可錯過。我選擇了他們的蘿蔔豬紅豬腸米粉，湯底清爽而不失風味，帶有一絲微甜，正好中和了湯底的鹹香。蘿蔔被煮得軟嫩，湯汁吸收得入味，配上滑嫩的豬紅，沒有腥味，口感非常順滑。而豬腸的韌性與米粉的軟滑形成了很好的搭配，整碗麵的層次感非常豐富。此外，凍檸茶的清新口感也是必試，酸酸甜甜，清爽解膩，與車仔麵的重口味相輔相成，讓人吃得開心又不油膩。…查看更多

在尖沙咀這個熱鬧的區域，你可以發現不少特色小店，這間專注於港式車仔麵的店鋪就很受歡迎。這次我試了他們的蘿蔔豬紅豬腸米粉，真係一試成主顧！首先，蘿蔔口感柔軟，湯底充滿了香濃的豬骨味，還帶點微甜。豬紅（豬血）非常嫩滑，完全不會腥，十分順口。豬腸則是有嚼勁，每一口都彈牙，搭配湯底真係絕配。米粉煮得剛剛好，不會太軟或太硬，湯汁浸透後更美味。總體來說，這一碗車仔麵是充滿傳統風味的選擇，簡單卻足夠美味，令人回味無窮。如果你鍾意嘗試本地經典的車仔麵，這裡的蘿蔔豬紅豬腸米粉一定唔可以錯過!!…查看更多

香港食車仔麵嘅舖頭真係多不勝數，不過尖沙咀這間永年士多車仔麵係我食過咁多間黎講質素最有保證的一間，車仔麵嘅餸選擇多樣，湯底濃郁，搭配滿滿的配料，回頭率高😜⭐️必試推薦⭐️牛筋滷水雞翼米線湯底濃郁，牛筋軟嫩，雞翼入味，米線軟硬度剛剛好，充滿地道風味，價格實惠🙂…查看更多

Happy Friday朋友一齊去食車仔麵，真係食到好滿足！呢度的選擇多到令人眼花撩亂，特別適合喜歡嘗試多款食材嘅朋友。朋友叫左大碗麵，有豬腸、魚蛋、蘿蔔、豬紅、豬皮、雞翼、雞翼尖、魷魚、紅腸、豬腸等配料，沒一樣都好好味，豬腸煮得剛好，口感爽脆，魚蛋則彈牙，搭配上濃郁的湯底，簡直完美。公仔麵，佢哋煮得非常入味，湯底選擇清湯，清淡但不失鮮味，唔會遮蓋住食材本身嘅味道。加上蘿蔔和豬紅，讓整碗麵更加豐富，真係一碗好滋味嘅車仔麵。自己叫左魚蛋、雞翼、午餐肉、墨魚蝦卷米粉，午餐肉煎得香脆，墨魚卷則鮮甜可口，搭配一碟生菜，清新的味道讓整餐不會太膩。試咗魷魚串和牛百葉串，魷魚串的燒烤味道十足，牛百葉則嫩滑，非常好吃。而熱檸檬水和凍柚子檸蜜都係好解膩，讓人感覺清新又舒服。整體而言，呢間車仔麵店嘅食材新鮮，湯底味道豐富，無論係選擇配料還是飲品，都能令你滿載而歸。…查看更多

之前食過好幾間永年分店，不過好耐冇食尖沙咀呢間分店嚕，經過想快就揀佢啦。入到去用自助機落單，部機load得好慢😓叫咗大碗麵套餐（$76）另加一餸豬手（$18）飲品加錢要咗紅豆奶茶冰（+$15）大碗麵要咗幼麵，有10餸（豬腸，魚蛋，蘿蔔，豬紅，豬皮，雞翼，雞翼尖，魷魚，紅腸，菜）呢碗要咗清湯走辣，多豬腸汁，每個餸水準發揮正常，唯獨要彈係魷魚唔夠味，似白烚。另外加$18嘅豬手，得兩舊，香港地食碗麵真係唔平，加埋杯紅豆奶茶冰，已經要$109紅豆奶茶冰，味道好夾，甜度啱啱好另外一碗要咗三餸麵，米粉($48)餸要咗魚蛋，酸齋（+$2）牛筋(+$4)=$54呢碗要咗中辣，鍾意食辣嘅我覺得永年嘅辣真係好惹味魚蛋係陳皮魚蛋，細細粒彈牙，魚蛋同酸齋相信都係固定數量 但係牛筋真係少得可憐，加錢要嘅牛筋得三小嚿😓不過永年有個好處，就係每間分店個味道都一樣，相對嚟講比較穩定，不過餸嘅份量我諗真係要調節下是次消費， $163 / 2人…查看更多