影片
更多
2022-12-13
70 瀏覽
當日入座時間為晚上8點30分，我地入座後陸陸續續有客人進店用餐，估唔到呢個時段仲有咁多人。店舖環境乾淨簡潔，店員會熱心介紹菜式，好好服務👍🏻。「隨心」本身主打星馬菜，但我一打開個餐牌就俾佢地嘅川菜吸引住🤩，所以同男朋友最後叫咗份#酸菜魚、#辣子雞、同#粉絲煲，經店員介紹再加咗壺#洛神花茶，最後食到好飽好飽🙉。🐟#招牌酸菜魚 二人份 ($198)▪️酸菜魚湯底濃郁，酸味較重帶有少少辣味，非常開胃😛。▪️食到後半段辣味會越嚟越強🌶，如果唔食得辣可以同店員講需要調整辣度。▪️魚片粗略數過有20塊，肉質軟諗但有一兩塊有碎骨。▪️配料甚多，有青瓜、本菇、雞髀菇等等。▪️食食下發現仲有寬粉😮(唔洗另外加錢!!)，麵條煙煙韌韌吸收哂酸菜嘅香味，好正。▪️雖然話係二人份，但份量足以幾個人分享。🐔#霸王辣子雞 ($168)▪️辣子雞有陣聞得到嘅辛香味。▪️每一粒都非常乾爽，有幾粒仲連埋雞皮，炸到脆卜卜好好食😆。▪️最正係有好多合桃同腰果可以中和返啲辣味。▫️如果可以少啲骨咁就更加正🙈。🦐#香辣海鮮粉絲煲 ($198)▪️蝦同扇貝各有四隻，仲有好多帶子粒😍。▪️粉絲份量非常多！而且好乾爽，撈埋煲底嘅蝦油香得嚟仲有種鮮味。▪️海鮮方
當日入座時間為晚上8點30分，我地入座後陸陸續續有客人進店用餐，估唔到呢個時段仲有咁多人。店舖環境乾淨簡潔，店員會熱心介紹菜式，好好服務👍🏻。
「隨心」本身主打星馬菜，但我一打開個餐牌就俾佢地嘅川菜吸引住🤩，所以同男朋友最後叫咗份#酸菜魚、#辣子雞、同#粉絲煲，經店員介紹再加咗壺#洛神花茶，最後食到好飽好飽🙉。
🐟#招牌酸菜魚 二人份 ($198)
▪️酸菜魚湯底濃郁，酸味較重帶有少少辣味，非常開胃😛。
▪️食到後半段辣味會越嚟越強🌶，如果唔食得辣可以同店員講需要調整辣度。
▪️魚片粗略數過有20塊，肉質軟諗但有一兩塊有碎骨。
▪️配料甚多，有青瓜、本菇、雞髀菇等等。
▪️食食下發現仲有寬粉😮(唔洗另外加錢!!)，麵條煙煙韌韌吸收哂酸菜嘅香味，好正。
▪️雖然話係二人份，但份量足以幾個人分享。
🐔#霸王辣子雞 ($168)
▪️辣子雞有陣聞得到嘅辛香味。
▪️每一粒都非常乾爽，有幾粒仲連埋雞皮，炸到脆卜卜好好食😆。
▪️最正係有好多合桃同腰果可以中和返啲辣味。
▫️如果可以少啲骨咁就更加正🙈。
🦐#香辣海鮮粉絲煲 ($198)
▪️蝦同扇貝各有四隻，仲有好多帶子粒😍。
▪️粉絲份量非常多！而且好乾爽，撈埋煲底嘅蝦油香得嚟仲有種鮮味。
▪️海鮮方面最得我心嘅反而係細細粒嘅帶子，同粉絲一樣咁彈牙✨。
▪️扇貝勁飽滿，一啖咬落去好滿足♥️。
🌺#洛神玫瑰花茶 ($58)
▪️有淡淡玫瑰香氣🌹。
▪️只係浸泡咗五至八分鐘已經非常香濃。
▪️內膽加咗紅棗所以飲落有絲絲甜味👍🏻。
▪️店員見到差唔多飲到見底會主動加水，飲咗三轉都仲係好濃😚。
坦白講呢個價錢有咁嘅份量我覺得幾抵食🤑，甚至再叫多一至兩個人嚟share都冇問題。餐廳都好近地鐵站，有係附近返工嘅朋友仔不妨放工嚟試試晚市餐牌啊😉。
張貼
