帝樂德國餐廳 (Fashion Walk) (已結業)

難得星期六，就同朋友去食下好野開心下。見到間德國餐廳好熟口面，就入去試試。 唔怪得知咁熟，原來係以前美利樓果間，我印像中豬手同德國腸都係必食， 今次又試試佢先! 原來星期六日係食半自助早午餐，揀一個主菜， 然後其他野可以出去自助拎。極高性價比。 湯+麵包甘筍忌廉湯入口軟滑，配埋洋蔥包一齊食 好夾，其他包都好好食。 沙律吧有唔同種類嘅沙律，包括雜菇沙律，蘋果沙律等各種沙律菜， 主菜餐牌都有得嗌， 依家有得食，幾抵 凍肉盤+凍海鮮有凍蝦同青口， 青口幾鮮味，唔落醬都好食。巴馬火腿就正常演出 熱盤有烤簿餅，德國香腸，鱈魚扒，蛋餅等其實都好豐富。其實淨係食香腸已經值回票價。 主菜方面， 兩個人，就嗌左德國脆皮豬手(2人份) 豬手大大隻，啱哂打卡。佢仲會幫你切埋。入面仲有薯角同埋酸椰菜，係正宗嘅德國豬手擺盤。豬手皮脆卜卜， 入面有肉汁，又唔會太咸， 係出奇地好食，送啤酒一流。甜品甜品選擇都唔少，有布丁，朱古力撻，鮮果同檸檬批等， 每樣都高質， 直情係酒店水準。總結抵食，德國菜，高質