影片
更多
2022-06-20
34 瀏覽
思鄉之情發作，想食日本料理止渴🙈上網見呢度既omakase幾抵食，除左壽司set仲有鐵板燒揀～一去到俾個無敵海景吸引住，個view睇日落應該一流😳前菜係沖繩水雲🔸水雲口感獨特，混合左酸汁同薑蓉，清新又開胃～之後係熱辣辣既茶碗蒸🔸個蛋好滑，高湯既味道亦都唔會搶晒本身既蛋香～主角陸續出場🔸首先由淡口既白身魚食起，第一貫係小鯛，師傅輕輕抹上少少醬油提鮮，魚肉質感綿密帶點黏滑～之後係長崎縣既伊佐木魚，6月剛好係當造期，味道鮮甜彈牙～今次仲試到晒兩種池魚，分別係手釣既池魚同網捕既深海池魚✨師傅好用心咁講解兩種唔同既捕捉方法，魚既肉質都會有分別。而師傅都用左唔同既調味配搭，分別係薑蔥醬油同海鹽青檸汁，去帶出兩種池魚既鮮味👍之後就到油脂比較豐富既魚，有我好鍾意既千葉縣金目鯛，師傅先火炙魚皮表面，將魚既油香逼出黎，肉質細膩得黎仲鮮味十足✨最後一貫係大拖羅腩壽司，未食已經見到d油光勁靚，又大又肥美既魚腩包裹住壽司飯，滿滿既油脂充滿住口腔，只能用幸福黎形容🤤食完壽司仲有一碗角切魚生飯🔸上面既海膽係北海道白海膽，超鮮甜冇明礬味✨師傅提到三文魚籽係佢地自家醃漬，一試之下真係好唔同，有咸鮮味得黎唔會蓋過左三文魚
前菜係沖繩水雲🔸水雲口感獨特，混合左酸汁同薑蓉，清新又開胃～
之後係熱辣辣既茶碗蒸🔸個蛋好滑，高湯既味道亦都唔會搶晒本身既蛋香～
主角陸續出場🔸首先由淡口既白身魚食起，第一貫係小鯛，師傅輕輕抹上少少醬油提鮮，魚肉質感綿密帶點黏滑～
之後係長崎縣既伊佐木魚，6月剛好係當造期，味道鮮甜彈牙～
今次仲試到晒兩種池魚，分別係手釣既池魚同網捕既深海池魚✨師傅好用心咁講解兩種唔同既捕捉方法，魚既肉質都會有分別。而師傅都用左唔同既調味配搭，分別係薑蔥醬油同海鹽青檸汁，去帶出兩種池魚既鮮味👍
之後就到油脂比較豐富既魚，有我好鍾意既千葉縣金目鯛，師傅先火炙魚皮表面，將魚既油香逼出黎，肉質細膩得黎仲鮮味十足✨
最後一貫係大拖羅腩壽司，未食已經見到d油光勁靚，又大又肥美既魚腩包裹住壽司飯，滿滿既油脂充滿住口腔，只能用幸福黎形容🤤
食完壽司仲有一碗角切魚生飯🔸上面既海膽係北海道白海膽，超鮮甜冇明礬味✨師傅提到三文魚籽係佢地自家醃漬，一試之下真係好唔同，有咸鮮味得黎唔會蓋過左三文魚油既香👍最後飲埋碗海帶面豉湯，呢餐omakase就完滿結束～
由環境到服務都好好，食物新鮮而師傅亦好用心，最重要係價錢親民，整個用餐體驗非常好❤️
張貼
