Le Viet

營業中

休息中

位於The One樓上非常就腳喺尖沙咀市中心地鐵附近嘅位置，開放式嘅門面設計，驟眼睇非常開陽嘅感覺，午市嘅時間亦都唔會太多人，打開餐牌除咗有午市套餐，仲有其他優惠嘅單點菜式。同朋友嚟到試吓佢哋嘅lunch set，點咗佢哋一份Le Viet 招牌飯，份量夠晒大碟，除咗有隻黯然銷魂蛋，仲有埋泰式煎火腿同鬆軟香炸豬扒，呢個招牌飯另外仲會跟一碗餐湯，仲有埋飲品，都幾抵食！另外再點咗一份佢哋La Viet嘅招牌拼盤，真係一碟有齊晒所有鍾意食嘅嘢，香炸春卷、泰式軟滑春卷、豬頸肉同蝦餅，每一樣都好精彩，除此之外仲點咗一份牛油雞翼，鍾意佢牛油香味極濃郁，真係炸到脆卜卜！同焦糖燉蛋作為甜品真係一流，心形嘅擺盤配埋脆卜卜嘅焦糖面層，軟滑雞蛋香濃甜蜜🥰佢哋嘅每一份餐點份量都好足，而且睇得出係即叫即炸，事關每一份炸出嚟嘅小食都好香口，咬落去卜卜脆！配埋甜甜地嘅泰式辣醬，啱晒同朋友lunch time吹水食嘢休息吓。