影片
更多
2025-02-17
0 瀏覽
之前都食過，味道係唔錯嘅，而且都算抵食，雖然環境就唔係舒適嗰隻，少少逼啦又唔算好過份嘅。預先 book 咗枱六點半，唔駛等直接入座，手機 QR Code 落單，當其時已經有幾樣「招牌菜」顯示售罄，好在我地 book 枱時預先留咗炸子雞。七個人叫咗九個餸，樣樣都好食，連埋飲品埋單 $832，都幾抵食。係有個小插曲，因為其實都有少少逼，加上張枱都有Ｄ唔穩陣，隔離枱食客離座起身嘅時候，唔小心將個食具架成個整跌落地下，食具散落一地，其實職員都有望過，應該係睇到嘅。之後見個食客都將Ｄ食具執返起，將個架瞓低喺枱面後就離開，不過店員執枱嘅時候，就只係扶返起個食具架，再示意下一枱食客入座。我就當佢可能剛才唔為意Ｄ食具過晒地啦，無謂店家難做，就行出去同店員講聲話Ｄ食具都污糟晒架喇，不過店員都只係「哦」咗一聲就行咗去繼續送餐，結果... 都係冇換過Ｄ食具，而下一枱食客亦都係照樣咁用Ｄ食具（按：見佢地有用紙巾抹下先用嘅）。咁樣其實食物再好味，但店員連做個樣換一換嘅門面工夫都懶，見得到都猶且係咁，見唔到嘅就唔敢想像，咁就真係幾好食我都冇下次囉～
預先 book 咗枱六點半，唔駛等直接入座，手機 QR Code 落單，當其時已經有幾樣「招牌菜」顯示售罄，好在我地 book 枱時預先留咗炸子雞。七個人叫咗九個餸，樣樣都好食，連埋飲品埋單 $832，都幾抵食。
係有個小插曲，因為其實都有少少逼，加上張枱都有Ｄ唔穩陣，隔離枱食客離座起身嘅時候，唔小心將個食具架成個整跌落地下，食具散落一地，其實職員都有望過，應該係睇到嘅。
之後見個食客都將Ｄ食具執返起，將個架瞓低喺枱面後就離開，不過店員執枱嘅時候，就只係扶返起個食具架，再示意下一枱食客入座。我就當佢可能剛才唔為意Ｄ食具過晒地啦，無謂店家難做，就行出去同店員講聲話Ｄ食具都污糟晒架喇，不過店員都只係「哦」咗一聲就行咗去繼續送餐，結果... 都係冇換過Ｄ食具，而下一枱食客亦都係照樣咁用Ｄ食具（按：見佢地有用紙巾抹下先用嘅）。
咁樣其實食物再好味，但店員連做個樣換一換嘅門面工夫都懶，見得到都猶且係咁，見唔到嘅就唔敢想像，咁就真係幾好食我都冇下次囉～
張貼
