牛響度麵館 (Aeon Style)

營業中

休息中

今日來開黃埔花園見朋友，晚餐就去咗黃埔天地aeon style解決，呢度應該最近裝修過，我哋好耐都冇嚟，有個新嘅感覺。呢度好多位坐，基本上買咗自己想食嘅嘢再嚟。今日想食湯麵，所以選擇左呢間，叫左三個麵：鹵牛面頰湯麵 $50、溏心蛋粟米湯麵 $45同韭菜豚肉小雲吞刀削麵 $50。呢度啲麵好好食，口感幾好，麵身q彈，不過當然加多少少錢轉到上面，就更加好味啦! 呢度個溏心蛋好值得叫！ 職員話有得揀牛骨湯或者豬骨湯，牛骨湯就會有啲蒜同薑，因為我哋想食清淡啲，個溏心蛋粟米湯麵就叫咗豬骨湯。另外加左$26要個炸粟米豚肉小雲吞。飲品就要左百香果冷泡茶同白桃果冷泡茶，兩杯跟麵都只要加$12就有，兩杯都唔會太甜，幾好飲。