老掌櫃東北菜館 (富達廣場)

營業中

休息中

今日同朋友去元朗行街，朋友帶我去富達廣場嘅老掌櫃食午餐。入去坐低，可能天氣涼咗，覺得冷氣太凍。見有午市超值套餐，款式都好多，有湯麵和餃子，還有即叫即炒嘅客飯。我哋叫咗兩個客飯孜然大蔥牛肉$54即叫即炒，孜然味道重，牛肉份量都幾多，大蔥和洋蔥炒得非常惹味。梅菜扣肉$54這道菜雖然邪惡，偶爾食一次，梅菜和扣肉幾好味，唔錯。小食：雞絲粉皮（+$18）粉皮煙韌，雞絲和青瓜絲，配上香濃麻醬，入口爽脆。高力豆沙$13有點像沙翁，內裡有豆沙餡，食落軟綿香滑。