帝樂德國餐廳 (Fashion Walk)

營業中

休息中

今日喺銅鑼灣行完街，喺fashion walk搵野食，見到呢間德國餐廳，有個幾抵食嘅set,就入去試吓。德國黑森林火腿配農夫包多士火腿嘅咸香味好正，配埋脆卜卜嘅農夫包多士，點埋佢地嘅意大利醋，非常夾。夏日海鮮沙律杯賣相都幾靚，個味道酸酸甜甜好清新，呢個沙律都幾多料，有魚子醬，八瓜魚，吞拿魚，蝦，仲有芒果，每樣海鮮都好新鮮，配埋新鮮嘅沙律菜，唔錯。招牌烤脆皮豬手雖然係半份，但份量都幾大份，豬手外皮烤到勁脆口，而d肉都好嫩，唔會柴皮，配埋德國酸菜食，可以解油膩感。海膽，蟹肉，意大利芝士扭扭通心粉海膽勁鮮甜，都幾大片，個芝士汁浸晒落d扭扭粉果度，好creamy,好好味，而d蟹肉，都有好濃郁蟹味。百香果芭菲配焦糖杏仁個甜品賣相都幾靚，百香果雪芭味好特出，好香甜，配埋新鮮嘅百香果肉一齊食，更正，而焦糖杏仁都好脆唔算太甜，呢個甜品好睇又好食。盧雲堡啤酒，白酒，紅酒任飲2小時呢個餐做埋會員好抵，半價就可以食到，其實飲幾杯同咁多野食都值回票價。