影片
更多
2024-06-09
439 瀏覽
約左兩老食飯 老人家多數揀酒樓 佢地話想去平時都去開飲茶既玉桃軒一於試試 一坐低俾左花生 過下口癮 原來係孜然花生 幾特別 屋企人食唔停口 睇下餐牌 有特價套餐 好多野揀 都好抵食 星期六日都有 魚 龍蝦 片皮鴨 梗有一樣岩老人家 我地揀左片皮鴨加一個小菜 $388 配左菠蘿咕嚕肉 片皮鴨黎到會係面前切 切既時候仲聽到脆卜卜 切出黎都好多片 4-6 位其實都好夠食 肥瘦既位置都有 我地女士鐘意食偏瘦既 而父親就鍾意食中間偏肥個部份 食落又脆又多汁菠蘿咕嚕肉 估唔到好大碟喎 肉質外脆肉軟又多汁酸酸甜甜 好開胃 二食都只係加$100 又加埋苦瓜炆鴨件 夏天就係食苦瓜既季節 苦瓜好甘香 鴨肉都吸晒d 汁 因為即切即炒呢個送 食落鴨肉特別鮮嫩 彈牙其實三個送都食唔晒要打包 番去番煮仲好好味 食完咸野要食番d 甜野 見到有薑汁撞奶 叫左兩個試下 真材實料 食到有薑粒 欣賞佢唔會好甜 老人家可以放心食 最後父親大人話父親節又要黎食過喎 收到
老人家多數揀酒樓
佢地話想去平時都去開飲茶既玉桃軒
一於試試
一坐低俾左花生 過下口癮 原來係孜然花生 幾特別
屋企人食唔停口
睇下餐牌 有特價套餐 好多野揀 都好抵食 星期六日都有
魚 龍蝦 片皮鴨 梗有一樣岩老人家
我地揀左
片皮鴨加一個小菜 $388
配左菠蘿咕嚕肉
片皮鴨黎到會係面前切 切既時候仲聽到脆卜卜
切出黎都好多片 4-6 位其實都好夠食 
肥瘦既位置都有 
我地女士鐘意食偏瘦既 而父親就鍾意食中間偏肥個部份
食落又脆又多汁
菠蘿咕嚕肉 估唔到好大碟喎
肉質外脆肉軟又多汁
酸酸甜甜 好開胃
二食都只係加$100
又加埋苦瓜炆鴨件 夏天就係食苦瓜既季節
苦瓜好甘香 鴨肉都吸晒d 汁
因為即切即炒呢個送
食落鴨肉特別鮮嫩 彈牙
其實三個送都食唔晒要打包
番去番煮仲好好味
食完咸野要食番d 甜野 見到有薑汁撞奶 叫左兩個試下
真材實料 食到有薑粒
欣賞佢唔會好甜 老人家可以放心食
最後父親大人話父親節又要黎食過喎 收到
張貼
