影片
更多
2023-10-14
317 瀏覽
一間同屋企人食會好開心嘅中菜廳🥸 環境雅緻，座位闊落，重點係味道同份量都相當滿足，我會形容為「九大簋」，最後食到捧住個肚走🤰🏻-🌟商務晚餐 $628/2位✨一口灌漿蘿蔔傳統潮州小食，酥脆嘅外皮包裹住清香蘿蔔，冇油膩感，食落去外脆內軟嘅口感。✨椒汁南非鮑魚片開胃前菜，辣辣地幾惹味，可以連埋配菜西芹一齊食 (可惜我唔食西芹🥶)✨西湖牛肉羹｜招牌老火湯推薦🥳 芫荽愛好者絕對不能錯過既西湖牛肉羹！獨有嘅芫荽香氣加埋肉碎粒粒，勁香口，大滿足。✨滷水鵝肉拼盤推薦🥳 滷水調味得宜，係我鍾意嘅口味。鵝肉同墨魚口感相當好，底層仲有索哂滷水汁既豆腐😚✨金牌紅花酸菜魚小辣程度，偏酸帶點辣。魚肉滑嫩，底層有蓮藕、蔬菜同埋寬粉，份量慷慨。✨杏汁花膠絲浸菜心推薦🥳 成功清晒成碗湯汁🤰🏻本來唔鍾意杏汁，但可能加咗蔬菜一齊煮，多咗蔬菜嘅清甜，相當舒服嘅口味，花膠絲亦份量十足。✨蒜香黑豚叉燒鮮蝦炒絲苗蒜香唔會過分重，只係淡淡點綴，叉燒切成粒粒增加口感。重點係飯粒粒粒分明，好有食慾😚✨楊枝甘露推薦🥳 好鍾意傳統嘅楊枝甘露，好香甜😋
一間同屋企人食會好開心嘅中菜廳🥸 環境雅緻，座位闊落，重點係味道同份量都相當滿足，我會形容為「九大簋」，最後食到捧住個肚走🤰🏻-
🌟商務晚餐 $628/2位
✨一口灌漿蘿蔔
傳統潮州小食，酥脆嘅外皮包裹住清香蘿蔔，冇油膩感，食落去外脆內軟嘅口感。
✨椒汁南非鮑魚片
開胃前菜，辣辣地幾惹味，可以連埋配菜西芹一齊食 (可惜我唔食西芹🥶)
✨西湖牛肉羹｜招牌老火湯
推薦🥳 芫荽愛好者絕對不能錯過既西湖牛肉羹！獨有嘅芫荽香氣加埋肉碎粒粒，勁香口，大滿足。
✨滷水鵝肉拼盤
推薦🥳 滷水調味得宜，係我鍾意嘅口味。鵝肉同墨魚口感相當好，底層仲有索哂滷水汁既豆腐😚
✨金牌紅花酸菜魚
小辣程度，偏酸帶點辣。魚肉滑嫩，底層有蓮藕、蔬菜同埋寬粉，份量慷慨。
✨杏汁花膠絲浸菜心
推薦🥳 成功清晒成碗湯汁🤰🏻本來唔鍾意杏汁，但可能加咗蔬菜一齊煮，多咗蔬菜嘅清甜，相當舒服嘅口味，花膠絲亦份量十足。
✨蒜香黑豚叉燒鮮蝦炒絲苗
蒜香唔會過分重，只係淡淡點綴，叉燒切成粒粒增加口感。重點係飯粒粒粒分明，好有食慾😚
✨楊枝甘露
推薦🥳 好鍾意傳統嘅楊枝甘露，好香甜😋
張貼
