Sushi N

營業中

休息中

朋友話想食廚師發板但又唔想咁貴😎搵到呢間幾百蚊有找！夠抵食之餘質素都唔錯！大家都可以過下口癮！牡蠣岩手縣大手渡真蠔，海水味重，口感柔軟，蠔味適中。刺身 - 甜蝦他他配鱈魚脆餅&間八師傅簡單用岩鹽同埋柚子皮加入甜蝦他他調味，清新得黎鮮甜飽滿。配上脆脆既鱈魚餅一齊食，層次感豐富。間八即係鰤魚，魚腩部位肥美，口感相當濃郁香醇，肥而不膩。配黑松露酸汁及紫蘇花，鮮味提昇。和食 - 汁煮油甘魚餃肉質較結實但味道又幾好。🍣壽司蜜柑鯛冇魚腥味而且還帶有淡淡橘香，薄切十分易入口。新鮮帶子配青檸汁帶子厚實肥美配青檸汁更顯鮮味。梭子魚盛產於九州既梭子魚我都係第一次食！口感鬆軟鮮甜，魚肉油分較少，相反魚皮油脂卻十分豐富，微微炙燒更突顯魚油香。炙燒左口魚邊口感既肥美又爽口，炙燒後甘甜魚油滲出，入口即溶。中拖羅魚腩魚香持久恰到好處，油脂甘香。木杆魚肉質比較結實，魚味濃郁。北海道海膽味道十分鮮美，海膽味較濃郁，口感較豐腴。清酒蒸鮑魚淡淡既酒香令鮑魚鮮味更突出，富有嚼勁。北海道和牛·馬糞海膽手卷兩樣食材都好高級，入口軟綿綿，味道甘甜，質感細膩，完全有入口即溶感，好幸福。🍓士多啤梨雪糕食到粒粒果肉，酸酸甜甜，好清新。