Foodhall by Moon Thai

營業中

休息中

今日收工之後，嚟咗觀塘喺工商區度嘆泰菜，真係估唔到原來喺商業大廈樓下，竟然有間咁大嘅泰國菜餐廳，而且地方夠大，價錢商且，真係啱哂朋友聚腳嘅好地方。泰式全日早餐呢個配搭相當特別。有粥，粥夠渴身，唔會稀溜溜，而且有好多肉絲，十分鮮甜。仲有酸種麵包，入口帶微酸，麥香濃郁，配埋牛油果醬食十分清新。仲有仲有沙嗲串、蛋、煙肉同炒雜菇，十分滿足。泰式豬肉丸串豬肉丸烤得惹味，而且十分彈牙，上枱熱辣辣。烤香茅豬頸肉豬頸肉爽口，燒得夠香，而且有此少燶邊，食落又脆又香，再配埋另上既甜酸醬食更加美味。蝦炒金邊粉金邊粉乾爽程度啱啱好，麵條充分吸引醬汁，每一條都好入味，而且十分好鑊氣。另外，啲蝦大大隻，相當抵食。蟹肉炒飯炒飯夠乾身，每一粒都有蛋液包裹，粒粒分明。蟹肉鮮甜，配合炒飯一齊食勁正。煎簿餅夠香口，層次分明，應該十分吸汁，下次要叫埋咖哩一齊食。